មរណភាពរបស់កុមារា ហុង ក្មេងអនាថាមួយរូប បានបន្សល់ទុកនូវការសោកស្ដាយយ៉ាងខ្លាំងពីមជ្ឈដ្ឋានមហាជនក្នុងចំណោមអ្នកអាណិត កុមារា ហុងក៏មានឧកញ៉ា ទ្រី ដាណាមួយរូបផងដែរ។ ឧកញ៉ារូបនេះក៏បានផ្ដាំផ្ញើដូចទះកំផ្លៀងដល់ឪពុកម្ដាយដែលបង្កើតកូនមកហើយបោះចោលផងដែរ។
សូមចុចអាន៖ ស្រណោះ សែម សង្វាត ធ្លាក់ខ្លួនលក់ផ្លែឈើ ឧកញ៉ា ទ្រី ដាណា បញ្ចេញទឹកប្រាក់ឱ្យធ្វើដើមទុនភ្លាម!
កុមារា ហុង គឺជាក្មេងអនាថាដែលត្រូវបានមហាជនស្គាល់ពេញបណ្ដាញសង្គមហ្វេសប៊ុក តាមរយៈរូបភាព វីដេអូផ្សេងៗ។ កុមារាហុងមានជីវិតតែលតោល គ្មានមេបាបីបាច់ថែរក្សា គ្មានគោលដៅ និងតែងតែយកម៉ូតូ រ៉ឺម៉កអ្នកដទៃមកជិះ តែក្រោយមកត្រូវបានអង្គការ «សង្គ្រោះជនអស់សង្ឃឹម» នៅម្ដុំផ្សារបែកចាន យកទៅចិញ្ចឹម ផ្គត់ផ្គង់ ថែរក្សា ផ្ដល់ជំរកការស្នាក់នៅ និងរៀនសូត្រ តែក្រោយមកកុមារារូបនេះបានរត់ចេញពីអង្គការមកប្រើជីវិតតាមបែបសេរីភាពឡើងវិញ។
យ៉ាងណាមិញការស្លាប់បាត់បង់ជីវិតរបស់កុមារា ហុង ដែលបណ្ដាលមកពីតោងឡានដឹកម៉ាស៊ីនភ្លើងហើយលោតចុះពីលើឡាន ហើយត្រូវកន្ទុយអូសកិន កាលពីម្សិលមិញបានធ្វើឱ្យមជ្ឈដ្ឋានមហាជនមួយចំនួនមានការរន្ធត់និងអាណិតអាសូរចំពោះកុមារារូបនេះជាពន់ពេក។ ក្នុងចំណោមអ្នកដែលបានចែករំលែកទុក្ខចំពោះការចែកឋានរបស់កុមារា ហុង លើបណ្ដាញសង្គម ឧកញ៉ា ទ្រី ដាណាក៏បានបង្ហោះសំណេរលើផេកផ្លូវការរបស់ខ្លួន ដែលមានទាំងរៀបរាប់អាណិតប្អូនហុង ក៏ដូចជាផ្ដាំផ្ញើជាពាក្យសម្ដីបែបទះកំផ្លៀងដល់ឪពុកម្ដាយដែលបានបង្កើតកូនហើយខ្វះទំនួលខុសត្រូវមិនអាចផ្ដល់ទ្រនំសុខសុភមង្គលមួយឱ្យដល់កូន។