កាលពីយប់មិញនេះ (១៣ មិថុនា )លោក ណុប បាយ៉ារិទ្ធិ បានចេញមកតបតជាមួយនឹងមនុស្សមួយចំនួនដែលបានរិះគន់លោកមួយពាក់ព័ន្ធនឹងករណីជំងឺកូវីដ-១៩។
តារាចម្រៀ និង តារាសម្ដែងប្រចាំផលិតកម្ម ហង្សមាស បានចេញមកតបតចំពោះអ្នករិះគន់លោកតាមរយ:សំណេរក្រោយពីមានអ្នកបានប្រើពាក្យពេចន៍រិះគន់បែបពេបជ្រាយខ្លាំងមកលើរូបលោកពាក់ព័ន្ធនឹងរឿងដែលលោកធ្លាប់ជាអតីតអ្នកជំងឺកូវីដ-១៩។
នៅខាងក្រោមសំណេរមួយតាំងពីថ្ងៃទី៥ ខែមិថុនា កន្លងទៅ ដែលលោកមានការជូនដំណឹងដល់អ្នកគាំទ្ររបស់លោក ថាលោកនឹងចូលរួមច្រៀងនៅក្នុងកម្មវិធីប្រគំតន្ត្រីនៅក្នុងស្ថានីយទូរទស្សន៍ហង្សមាស ស្រាប់តែមានអ្នកចូលមកខមមិន ពាក្យមិនសមរម្យ លក្ខណៈឆ្កឹះឆ្កៀលរហូតធ្វើឱ្យតារារូបនេះអត់ទ្រាំមិនរហូតដល់ថ្នាក់លុបចោលពាក្យខមមិន អស់ទាំងនោះនឹងតបតភ្លាមៗវិញផងដែរ។
ថ្វីត្បិតតែលោកបានតបត និង លើកឡើងពីអ្នករិះគន់ដែលបានចូលមកបំផ្លាញបរិយាកាសក្រោម Post របស់លោកក្ដីតែក៏នៅមានអ្នកគាំទ្រដែលជាហ្វេនរបស់លោកបានចូលមកលើកទឹកចិត្តនិងផ្ដល់កម្លាំងចិត្តដល់យ៉ាងច្រើនផងដែរ។ យ៉ាងណាមិញចំពោះ Comment រិះគន់ដែលលោក ណុប បាយ៉ារិទ្ធិបានលើកឡើងខាងលើត្រូវបានលុបចេញអស់ពីខាងក្រោមផុសរបស់លោកអស់ទៅហើយ ដូចដែលសាមីខ្លួនលោកបានបញ្ជាក់ពីខាងលើដូច្នោះដែរ។
សូមចុចអាន កម្លាំងចិត្តពេញទំហឹង! អ្នកសិល្បៈល្បីៗគាំទ្រនិងជួយប្រូម៉ូត រ៉េត សារីតា ដូចព្យុះ
លោក ណុប បាយារិទ្ធិ គឺជាតារាចម្រៀង ចាស់វស្សា ដែលស្មោះស្ម័គ្រជាមួយនឹងផលិតកម្ម ហង្សមាស និង រស្មីហង្សមាស ព្រោះទោះជាតារាចម្រៀងទាំងចាស់ថ្មី មួយចំនួនបានដើរចេញពីផលិតកម្មនេះ តែលោក និង ប្អូនប្រុសដែលជាអ្នកដឹកនាំ (Senki) អ្នកនិពន្ធ (អ៊ីនូ) និងជាតារាចម្រៀង (នីកូ) នៅតែបន្តរួមរស់ជាមួយនឹងផលិតកម្មនេះ៕
