រឿងរ៉ាវប្ដីប្រពន្ធជនជាតិឥណ្ឌូនេស៊ីមួយគូថ្មីៗនេះ កំពុងតែល្បីល្បាញខ្លាំងនៅលើ Tiktok នៅពេលដែលអ្នកទាំងពីរស្រាប់តែសម្រេចចិត្តឈប់លែងលះគ្នាវិញនៅខណៈដែលទៅដល់តុលាការហើយកំពុងដំណើរការឯកសារលែងលះ។
ប្ដីប្រពន្ធវ័យក្មេងបានសម្រេចចិត្តនៅវិនាទីចុងក្រោយឈប់លែងលះគ្នា ហើយត្រលប់មករួមរស់ជាមួយគ្នាវិញ បន្ទាប់មកអ្នកទាំងពីរបានបង្ហោះរឿងរ៉ាវនេះរបស់ខ្លួនជាវីដេអូលើ tiktok រហូតមានការគាំទ្រយ៉ាងខ្លាំង។
វីដេអូរបស់ប្ដីប្រពន្ធ Sirojut និង Faradila ដែលបានបង្ហោះលើ Platform App Tiktok ទទួលបានការគាំទ្រនិងពេញនិយមខ្លាំងមានចំនួនចូលទស្សនារាប់លានដង ចំនួនចុច Like ជិត២សែន និងចំនួនចុចផ្ដល់មតិយោបល់ជាង១១ម៉ឺនដង និងចំនួនចុច Share ជិត 4K ។
នៅក្នុងចំណោមនោះមានមនុស្សជាច្រើនបានចូលរួមផ្ដល់មតិយោបល់ដល់គូស្នេហ៍មួយគូនេះគួរតែប្រញាប់យកកូនដើម្បីចៀសវាងបញ្ហាខ្វែងគំនិតគ្នានិងឈ្លោះប្រកែកគ្នា ខណៈដែលអ្នកខ្លះទៀតបានបង្ហាញការសាទរដែលអ្នកទាំងពីរត្រូវរ៉ូវគ្នាវិញ ដោយក្នុងនោះក៏មានអ្នកចូលមកជូនពរឱ្យគូស្នេហ៍ទាំងពីររួមរស់ជាមួយគ្នាប្រកបដោយសុភមង្គល។
គួរដឹងថា Tiktok គឺជា App ចែកចាយវីដេអូដ៏ធំ ហើយមានមនុស្សជាច្រើនចាប់ផ្ដើមពេញនិយមចែករំលែកវីដេអូផ្សេងៗរបស់ខ្លួន រហូតទទួលបានការចាប់អារម្មណ៍និងមានភាពល្បីល្បាញក្លាយជា តារាអនឡាញ ដោយសារការបង្ហោះវីដេអូនានារបស់ខ្លួនផងដែរ៕
