កូរ៉េ – និយាយពីភាពលេចធ្លោរបស់ស៊េរីរឿងថ្មី Ask the Stars ដែលសម្ដែងដោយ Lee Min Ho និង Gong Hyo Jin មិនត្រឹមតែសាច់រឿងដែលមានភាពប្លែកថ្មីគួរឱ្យចាប់អារម្មណ៍នោះទេ ប៉ុន្តែខ្ទង់ចំណាយវិញក៏ចាត់ចូលថាខ្ពស់កប់ពពកដែរ។
រឿងភាគថ្មីដែលចាប់ផ្ដើមថតតាំងពីថ្ងៃទី៦ ខែមេសាកន្លងមកនេះ ត្រៀមនឹងចាក់ផ្សាយនៅលើកញ្ចក់ទូរទស្សន៍ TVN នៅឆ្នាំ២០២៣ខាងមុខនេះ។ រឿងនេះដែរមានខ្ទង់ចំណាយខ្ពស់ប្រមាណ ៤០០០០-៥០០០០០លានវ៉ុន ដែលគិតជាលុយដុល្លារប្រមាណ៤០០-៥០០លានដុល្លារអាមេរិក។
Ask the Stars គឺជារឿងរ៉ាវ Romantic-Comedy បែបជា Sci-fi (វិទ្យាសាស្ត្រ)ដែលបរិយាយពីអ្នកអវកាសនិងអ្នកធ្វើដំណើរកម្សាន្តនៅទីអវកាសហើយបានជួបនិងស្រលាញ់គ្នានៅស្ថានីយអវកាស។
សង្ខេបដោយខ្លីរឿងថ្មី «Ask the Stars» និយាយពីបុរសម្នាក់ឈ្មោះ Gong Ryong ជាពេទ្យវះកាត់ផ្នែកស្ត្រីបានធ្វើដំណើតទៅកាន់ស្ថានីយអវកាសក្នុងឋានៈជាអ្នកទេសចរណ៍លើលំហអវកាស នៅទីនោះគេបានជួបនឹងអ្នកអវកាសកូរ៉េ-អាមេរិកកាំងឈ្មោះ Eve Kim ដែលជាអ្នកធ្វើការនៅទីនោះ។ រឿងរ៉ាវនេះនឹងធ្វើឱ្យទស្សនាបានឃើញរឿងរ៉ាវថ្មីជាពិសេសអាជីពប្លែកថ្មីមួយទៀតរបស់តួសម្ដែង ដូចគ្នាទៅនឹងរឿងភាគ Jealousy Incarnate ដែលអ្នកនិពន្ធបានសរសេរពីជីវិតរបស់អ្នកអានព័ត៌មានដូច្នោះដែរ៕
ប្រភព៖ allkpop
