ខេត្តព្រះសីហនុ៖ ជនសង្សយ័ចំនួន២នាក់ដែលធ្វើសកម្មភាពប្លន់ម៉ូតូនិងទូរសព្ទ័ដៃពីជនរងគ្រោះនាក់ផ្សេងគ្នា ត្រូវបានសមត្ថកិច្ចចាប់ខ្លួនបានហើយ ក្រោយរត់គេចលាក់ខ្លួនជាង៨ម៉ោង។
លោកឧត្តមសេនីយ៌ទោ ជួន ណារិន្ទ ស្នងការនគរបាលខេត្តព្រះសីហនុឲ្យដឹងថា ជនសង្សយ័បានប្រើកាំបិតចុងស្រួចភ្ជង់ ប្លន់យកទូរស័ព្ទដៃ និង បន្តប្រើកាំបិតចុងស្រួចភ្ជង់ ប្លន់យកម៉ូតូ ០១គ្រឿងទៀត កាលពីម៉ោងជាង១យប់រំលងអាធ្រាត្រ ថ្ងៃទី ២៧ ខែមេសា ឆ្នាំ២០២៣ ចំណុចវិថីជំទាវម៉ៅ ក្នុងភូមិគគី ឃុំបិតត្រាំង ស្រុកព្រៃនប់ ខេត្តព្រះសីហនុ។
![](https://cdn.troryorng.com/wp-content/uploads/2023/04/28012555/image-628.png)
តាមប្រភពព័ត៌មានបានឲ្យដឹងថា ជនសង្សយ័ទាំងពីរនាក់ បានភ្ជង់ប្លន់យកទូរសព្ទ័ដៃ០១គ្រឿង ម៉ាក OPPO ពណ៌ខ្មៅ ពីអ្នករត់ម៉ូតូកង់បី (Pass App) ។ បន្ទាប់មកជនសង្ស័យទាំង ០២នាក់ បានប្រើកាំបិតចុងស្រួច ភ្ជង់ប្លន់យកម៉ូតូ ០១គ្រឿង ម៉ាក ស៊ីរ៉ូស ពណ៌ក្រហម-ខ្មៅ ពីជនរងគ្រោះម្នាក់ទៀត ដែលជាអ្នកចាំចំការ រួចជនសង្ស័យទាំង ០២នាក់ បានរត់គេចលាក់ខ្លួនក្នុងព្រៃ ហើយត្រូវបានកម្លាំងការិយាល័យនគរបាលព្រហ្មទណ្ឌកម្រិតស្រាល បានសហការជាមួយកម្លាំងអធិការដ្ឋាននគរបាលស្រុកព្រៃនប់ ធ្វើការឡោមព័ទ្ធព្រៃដែលជនសង្ស័យរត់ចូលទៅលាក់ខ្លួន និងធ្វើការរុករករហូតដល់ម៉ោង ១០ព្រឹកថ្ងៃទី២៧ ខែមេសាឆ្នាំ២០២៣ ទើបចាប់ឃាត់ខ្លួនបានជនសង្ស័យទាំង០២នាក់។
![](https://cdn.troryorng.com/wp-content/uploads/2023/04/28012553/%E1%9F%A4%E1%9F%A5.jpg)
ជនសង្ស័យទាំង ០២នាក់ ទី១.ឈ្មោះ ហ៊ុន សកល ភេទប្រុស ជនជាតិខ្មែរ មានទីលំនៅ ភូមិ២ សង្កាត់១ ខេត្ត-ក្រុងព្រះសីហនុ ។ ២-ឈ្មោះ ហ៊ុន ឆាយយ៉ា ភេទប្រុស ជនជាតិខ្មែរ មានទីលំនៅ ភូមិ២ សង្កាត់១ ខេត្ត-ក្រុងព្រះសីហនុ ។
![](https://cdn.troryorng.com/wp-content/uploads/2023/04/28012554/image-629-1024x768.png)
វត្ថុតាងចាប់យកបានរួមមាន៖ ទូរសព្ទដៃ ០១គ្រឿងម៉ាក OPPO រីណូ៥ ពណ៌ខ្មៅ (ផលនៃអំពើចោរកម្ម),ម៉ូតូ ០១គ្រឿង ម៉ាក ស៊ីរ៉ូស ពណ៌ក្រហម-ខ្មៅ គ្មានផ្លាកលេខ (ផលនៃអំពើចោរកម្ម),កាំបិតចុងស្រួច ០១ដើម (ឧបករណ៍ប្រព្រឹត្តិបទល្មើស) ព្រមទាំងសម្ភារៈជាប់ខ្លួនមួយចំនួនទៀត។បច្ចុប្បន្ន កម្លាំងជំនាញរៀបកសាងសំណុំរឿងបញ្ជូនជនសង្ស័យទាំង ០២នាក់ ទៅសាលាដំបូងខេត្តព្រះសីហនុ ដើម្បីផ្តន្ទាទោសតាមផ្លូវច្បាប់ ៕
អត្ថបទ៖ ព្រះសីហនុ
![](https://cdn.troryorng.com/wp-content/uploads/2023/01/28043752/Troryorng-Telegram-1-1024x126-1-1-1.jpg)