សិល្បៈអន្តរជាតិ៖ Tang Wei គឺជាតារាសម្ដែងមួយដួងដែលសាងកេរ្តិ៍ឈ្មោះល្បីល្បាញតាមរយៈភាពយន្តស្រើបស្រាល «Lust, Caution» ប៉ុន្តែដំបូងឡើយ ដឹកនាំ Ang Lee មិនបានរើសយកនាង Tang Wei មកធ្វើជាតួស្រីនោះទេ តាមពិតទៅតួស្រីដែលត្រូវអ្នកដឹកនាំចង់បានពីដំបូងនោះគឺនាង Liu Yifei។
Lust, Caution គឺជាភាពយន្តដកស្រង់ចេញពីប្រវត្តិសាស្ត្រ ពិពណ៌នាពីរឿងរ៉ាវកើតឡើងក្នុងទីក្រុងសៀងហៃក្នុងឆ្នាំ១៩៤២ សម័យកាលមួយត្រូវបានរឹបអូសកងទ័ពជប៉ុន និងគ្រប់គ្រងដោយរដ្ឋបាលអាយ៉ង រហូតមាននិស្សិតមហាវិទ្យាល័យក្នុងប្រទេសចិន ហុងកុង បានបង្កើតផែនការធ្វើឃាតពួកអាជ្ញាធរ និងពួកអ្នកធ្វើការងារបម្រើការឱ្យពួករដ្ឋបាលអាយ៉ង ដោយប្រើប្រាស់និស្សិតស្រីម្នាក់ក្នុងក្រុមរបស់ពួកគេជានុយ។
ភាពយន្តនេះគឺសមិទ្ធិផលធ្វើឱ្យនាង Tang Wei មានកេរ្តិ៍ឈ្មោះល្បី ខណៈដែលកាលណោះនាងគ្រាន់តែជាតារាសម្ដែងចំណូលថ្មី ប៉ុន្តែមានចិត្តក្លាហាន ហ៊ានសម្ដែងរឿងស្រើបស្រាលរហូតទទួលបានការចាប់អារម្មណ៍ច្រើន។
ថ្មីៗនេះមានការបង្ហើបឱ្យដឹងថា តាមពិតទៅតួអង្គ នាង វ៉ាង ចៀចឺ ក្នុងបេះដូងរបស់អ្នកដឹកនាំ Ang Lee គឺជាតារាឯកស្រីកម្រិត Super Star Liu Yifei ទៅវិញទេ។ កាលណោះនាង Liu Yifei មានអាយុត្រឹមតែ១៩ឆ្នាំ ដោយអ្នកដឹកនាំធ្លាប់បង្ហើបថា «វ៉ាង ចៀចឺ ក្នុងចិត្តរបស់ខ្ញុំគឺមានភាពលេចធ្លោ មានរូបរាងស្អាត កម្ពស់ប្រមាណ ១.៦៤ ដល់១.៦៨ និងមានអាយុខ្ទង់ ១៩ ដល់២៣ឆ្នាំ»។
ក្នុងព័ត៌មានបាននិយាយទៀត កាលណោះ Liu Yifei គឺជាជម្រើសដំបូងរបស់អ្នកដឹកនាំ ដើម្បីចាប់គូជាមួយ
នឹង លាង ឆាវវ៉ៃ ដោយ Ang Lee បានព្យាយាមណាត់ជួបជជែកជាមួយនឹង Liu Yifei រហូតដល់ទៅ៣ដង។
ប៉ុន្តែជារឿងគួរឱ្យសោកស្ដាយដែរ ដោយសារកាលណោះ Crystal Liu មានអាយុត្រឹម១៩ ឆ្នាំ ពេលអានសេណារីយ៉ូភាពយន្តរួចមានអារម្មណ៍ថា រឿងនេះប្រើប្រាស់រាងកាយច្រើនពេក ទើបសម្រេចចិត្តបដិសេធការអញ្ជើញឱ្យចូលរួមសម្ដែងក្នុងរឿងនេះរស់អ្នកដឹកនាំ Ang Lee រហូតទីបំផុតតួអង្គនោះក៏ធ្លាក់ចូលទៅក្នុងដៃ
របស់ Tang Wei ជំនួសវិញ៕
ប្រភព៖ mgronline