សិល្បៈអន្តរជាតិ៖ តារាសម្ដែងហុងកុងវ័យ ៥៦ ឆ្នាំ Carman Lee ឬ ដែលអ្នកគាំទ្រស្គាល់ច្បាស់តាមរយៈតួអង្គ សៀវ ឡុងនី បានចេញមុខការពារស្វាមីហ្វេន ក្រោយមានអ្នកលេងអ៊ិនធឺណិតប្ដឹងថាស្វាមីខ្លួនអាចមានស្រី។
ស្ត្រីវ័យក្បាល៦ ប៉ុន្តែសម្រស់មើលតែខ្ទង់៤០ រូបនេះបានសម្ដែងជាតួអង្គ សៀវ ឡុងនី តួអង្គដកពីប្រលោមលោកមនោសញ្ចេតនារបស់ wuxia មានចំណងជើងថា «Little Dragon Girl» ដែលផលិតជាភាពយន្តភាគបុរាណកាលពីឆ្នាំ១៩៩៥។ ខណៈដែលអ្នកគាំទ្រម្នាក់មានការយល់ច្រឡំចំពោះស្វាមីរបស់ខ្លួន អតីតតួអង្គ សៀវឡុងនី មិនបានព្រងើយកន្តើយនោះឡើយ អ្នកស្រីបានចេញមកស្រាយចម្ងល់នេះដោយផ្ទាល់ខ្លួន។
យោងតាមសម្ដីរបស់ប្រពន្ធបានលើកឡើងថាស្វាមីខ្លួនមិនសូវស្គាល់តារានោះទេ ដូច្នេះប្រាកដជាមិនអាចចំណាំតារាបាននោះឡើយ ប៉ុន្តែនាងចម្លែកត្រង់ស្វាមីនាងចំណាំ Carman បាន អ៊ីចឹងទើបនាងសង្ស័យថាគាត់ពិតជានៅម្នាក់ឯងមែនឬអត់?
ស្ដ្រីជាភរិយាបានចែករំលែកចម្ងល់របស់ខ្លួននៅលើបណ្ដាញសង្គមព្រមទាំងសុំយោបល់ពីបណ្ដាអ្នកលេងអ៊ិនធឺណិតចំពោះរឿងនេះផងដែរ។ ស្ត្រីរូបនោះថែមទាំង Tag ឈ្មោះ Carman ចូលក្នុង Comment ខាងក្រោមផុសខ្លួនហើយសួរថា «ស្វាមីខ្ញុំប្រហែលជានៅអង្គុយទល់មុខអ្នក តើអ្នកអាចជួយឆែកឱ្យខ្ញុំផងបានទេថា តើគាត់មាននៅជាមួយនឹងស្រីផ្សេងឬអត់?»
ថ្វីត្បិតតែ Carman មិនបានឆ្លើយតបចំពោះផុសនោះភ្លាម ប៉ុន្តែក្រោយមកសៀវឡុងនី ឆ្នាំ១៩៩៥ បានសរសេររៀបរាប់ថា៖ «សួស្ដី! ខ្ញុំសង្ឃឹមថាអ្នកអាចគេងលក់ស្រួលដោយមិនចាំបាច់បារម្ភនៅយប់នេះ។ ថ្ងៃនេះពេលខ្ញុំនៅLounge ព្រលានយន្ត ខ្ញុំមានអារម្មណ៍ដឹងថាបុរសអង្គុយទល់មុខខ្ញុំគាត់លួចថតរូបខ្ញុំ។ ខ្ញុំមើលឃើញគាត់អង្គុយតែម្នាក់ឯង»
មិនត្រឹមតែធ្វើចិត្តត្រជាក់ដែលត្រូវបានគេលួចថតរូប តារារូបនេះថែមទាំងជួយលាក់អត្តសញ្ញាណឱ្យបុរសរូបនោះឡថែមទៀត ដែលតាមពិតទៅវាមិនមែនជាអ្វីដែលតារាស្រីរូបនេះចាំបាច់ត្រូវធ្វើទាល់តែសោះ។
ក្រៅពីអស់សំណើចនិងសប្បាយចំពោះស្ថានភាពដែលបានរៀបរាប់ខាងលើនេះ អ្នកលេងអ៊ិនធឺណិតជាច្រើនបានបង្ហាញការសរសើរចំពោះ Carman ដោយ Comment របស់នាងមានចំនួនចុច Like រហូតដល់១ម៉ឺនដង៕
ប្រភព៖ 8days