ភ្នំពេញ៖ កម្លាំងជំនាញការិយាល័យ ក១០នៃមន្ទីរប្រឆាំងគ្រឿងញៀន នៅថ្ងៃទី១៨ ខែឧសភាឆ្នាំ២០២៣ បានបញ្ជូនខ្លួនជនសង្ស័យជនជាតិចិនម្នាក់រួមនឹងគ្រឿងញៀន៤គីឡូ សារធាតុគីមីផ្សំជិត១០០គីឡូ ទៅសាលាដំបូងរាជធានីភ្នំពេញ។
![](https://cdn.troryorng.com/wp-content/uploads/2023/05/28005130/image-367-1024x768.png)
សូមបញ្ជាក់ថាជនជាតិចិនម្នាក់ ត្រូវបានកម្លាំងជំនាញការិយាល័យ(ក១០) នៃមន្ទីរប្រឆាំងគ្រឿងញៀន ឃាត់ខ្លួនកាលពីថ្ងៃ១៤ ខែឧសភាឆ្នាំ២០២៣ នៅផ្ទះលេខ៣៧ ផ្លូវលេខ២២ ភូមិតិកូបញ្ញេ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ពាក់ពន្ធ័នឹងករណីកែច្នៃនិងជួញដូរដោយខុសច្បាប់នូវសារធាតុញៀន និងសារធាតុគីមីផ្សំជាង១០០គីឡូក្រាម។
សមត្ថកិច្ចឃាត់ខ្លួនបានជនសង្ស័យឈ្មោះ ZHOU GUOCHAO (ចូវ គ័រឆាវ) ភេទប្រុស អាយុ៦០ឆ្នាំ ជនជាតិចិន ។
![](https://cdn.troryorng.com/wp-content/uploads/2023/05/28005125/%E1%9E%82%E1%9F%92%E1%9E%9A%E1%9E%BF%E1%9E%84%E1%9F%A5.jpg)
សមត្ថកិច្ចដកវត្ថុតាងរួមមាន ៖ ១-សារធាតុញៀនប្រភេទ ម៉េតំហ្វេតាមីន ICE ទម្ងន់០៤គីឡូក្រាម.៦៨៤ក្រាម, ២-សារធាតុគីមីផ្សំ (Acetone ) ទម្ងន់ ០៣គីឡូក្រាម, ៣-សារធាតុគីមី(Ethanol)ទម្ងន់៤០គីឡូក្រាម, ៤-សារធាតុមិនច្បាស់ទម្ងន់៥៣គីឡូក្រាម ៤២៨ក្រាម, ៥-ជញ្ជីងតូចធំចំនួន០៥ គ្រឿង និងឧបករណ៍សំរាប់វេចខ្ចប់កែច្នៃគ្រឿងញៀនមួយចំនួន។
![](https://cdn.troryorng.com/wp-content/uploads/2023/05/28005124/%E1%9E%82%E1%9F%92%E1%9E%9A%E1%9E%BF%E1%9E%84%E1%9E%89%E1%9F%80%E1%9E%93%E1%9F%A5.jpg)
បច្ចុប្បន្នជនសង្ស័យសមត្ថកិច្ចជំនាញ បានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕
អត្ថបទ៖ តុលាការ
![](https://cdn.troryorng.com/wp-content/uploads/2023/01/28043752/Troryorng-Telegram-1-1024x126-1-1-1.jpg)