សិល្បៈជាតិ៖ ជីវិតលោក កា បញ្ញាសិទ្ធ មួយរយៈកន្លងមកហាក់ធ្លាក់ដុនដាប និងជួបបញ្ហាផ្ទួនៗ ជាពិសេសគឺបញ្ហាជំងឺម្ដាយ ប៉ុន្តែពេលនេះស្ថានភាពលំបាកហាក់បានធូរស្រាល លោកអាចវិលត្រលប់មកចូលប្រឡូកក្នុងសិល្បៈវិញនិងទទួលបានការងារជាហូរហែរ។ ជាការកត់សម្គាល់មិនត្រឹមតែការងារសិល្បៈសម្ដែង ឬ ថតប្រូម៉ូតផលិតផលផ្សេងៗដើម្បីរកប្រាក់ចំណូលដើម្បីជួយផ្គត់ផ្គង់ម្ដាយឪពុកចាស់ជរាឱ្យបានប្រសើរនោះទេ លោកថែមទាំងសន្សំបានប្រាក់មួយចំនួនបើកបានហាងលក់គ្រឿងសមុទ្រនិងម្ហូបកុម្មង់ផ្ទាល់ខ្លួនតូចមួយ ដើម្បីរកចំណូលបន្ថែមដើម្បីសម្រួលជីវភាពគ្រួសារ។
ឆ្លើយប្រាប់អ្នកសារព័ត៌មាននៅក្នុងថ្ងៃខួបកំណើតខ្លួនកាលពីថ្ងៃទី០៩ ខែកញ្ញា ឆ្នាំ២០២៣ លោកបានឱ្យដឹងថា លោកយកឱកាសនេះបើកសម្ពោធហាងជាផ្លូវការតែម្ដង។ បុរសសង្ហាញញឹមស្រស់រូបនេះបានឱ្យដឹងដែរថា ប្រាក់បើកហាងនេះគឺបានមកពីការសន្សំលុយបានខ្លះនិងមានសល់ខ្លះៗ ពីការព្យាបាលជំងឺម្តាយ ដោយលោកអាចប្រមូលដើមទុនបានប្រមាណជិត៤ពាន់ដុល្លារ។ហាងលក់គ្រឿងសមុទ្ររបស់លោកស្ថិតនៅចំហៀងផ្សាររតនាផ្លាហ្សាបឹងត្របែក ដែលមានយីហោ “ឆ្នេរកែប” លក់គ្រឿងសមុទ្រធម្មជាតិ។ ហាងតូចនេះ មិនមែនគាត់អាចបើកតែម្នាក់ឯងនោះបានទេគឺមានបងស្រីធម៌ម្នាក់ទៀត គាត់ចូលរួម និងចាំជួយក្នុងការគ្រប់គ្រងផងដែរ។ ថៅកែថ្មោងថ្មីរូបនេះអះអាងថា ទោះជាខ្លួនមមាញឹកពីការងារសិល្បៈយ៉ាងណាក្ដី ក៏រូបលោកនៅតែខំប្រឹងនិងឆ្លៀតពេលរកស៊ីផងដែរ លោកមិនអាចខំរកតែមួយមុខនោះ ព្រោះរូបលោកជាជំហរសម្រាប់ឪពុកម្តាយ ដូច្នេះហើយទំនួលខុសត្រូវខ្ពស់ ដែលធ្វើឱ្យគ្មានពាក្យថា “ហត់” ឡើយសម្រាប់រូបលោក។
បញ្ញសិទ្ធក៏បានរំលឹកពីពាក្យពេចន៍ផ្ដែផ្ដាំ ដ៏មានន័យរបស់ សម្តេចតេជោដែលធ្លាប់ប្រាប់ឱ្យលោកខំតស៊ូមកធ្វើការងារស្រុកខ្មែរវិញហើយក៏បានប្រាប់ទៀតថា ពេលបានលុយត្រូវយកបង្កើតលុយ ដែលជាហេតុនាំលោកខំប្រឹង
រកលុយមកបើករកស៊ីលក់ដូរបន្តិចបន្តួចដើម្បីក្រុមគ្រួសាររបស់លោក។ ជាមួយគ្នានោះ លោកក៏អរគុណបងស្រីធម៌របស់លោកដែលកន្លងមកនិងពេលនេះជួយជម្រុញលើកទឹកចិត្តលោកដោះស្រាយបញ្ហានិងងាកមករកស៊ីលើមុខ
របរគ្រឿងសមុទ្រនេះ។ លោកក៏សូមអំពាវនាវដល់ឪពុកម៉ែបងប្អូនមហាជនទាំង ជាពិសេសមិត្តសិល្បៈទាំងអស់ សូមជួយគាំទ្រដល់រូបលោកផងមកជួយទិញគ្រឿងសមុទ្រធម្មជាតិល្អៗ ហើយតម្លៃធូរថ្លៃទៀត។ ចង់កម្ម៉ង់ធ្វើឱ្យឆ្អិនក៏មានដែរ។
ទន្ទឹមនឹងនេះ លោកគ្រោងនឹងបើកសាខាថ្មីមួយសម្រាប់ប្អូនស្រីលោកនិងម្តាយរបស់លោក មួយកន្លែងដែរ ដោយពេលនេះកំពុងសិក្សាចង់បើកនៅក្រុងតាខ្មៅខេត្តកណ្តាលដែលជាផ្ទះរបស់លោកនៅទីនោះផងដែរ។ សូមបញ្ជាក់ថា កាលពីដើមឆ្នាំ២០២៣ស្របពេលលោកធ្លាក់ខ្លួន ស្រាប់តែស្ថានភាពម្តាយរបស់លោកខ្លួនធ្លាក់ឈឺធ្ងន់ធ្ងរដោយតម្រូវរកលុយវះកាត់រាប់ម៉ឺនដុល្លារព្រោះមាន ជម្ងឺគ្រោះក្នុងតម្រង់នោម និងគ្រោះក្នុងពោះវៀន ដែលជាជម្ងឺចំបង ប៉ុន្តែពេលនោះ ក៏អគុណយ៉ាងខ្លាំងដល់មហាជនអ្នកគាំទ្រអាណិតអាសូរ បណ្តាមិត្តសិល្បៈ និងរាមច្បង ដែលឧបត្ថម្ភជួយដល់លោក ជាពិសេស សម្តេចតេជោ ដែលបានផ្តល់ថវិកាយ៉ាងច្រើនអាចមានលទ្ធភាពយកម្តាយទៅព្យាបាលនៅថៃទាន់ពេលវេលាទើបអាចល្អប្រសើរបានមកដល់ថ្ងៃនេះ។
នៅពេលនេះជីវិតលោក បានល្អប្រសើរមានការងារពេញលេញ ដែលអាចធ្វើឱ្យលោក បញ្ញាសិទ្ធ សម្រេចតាមក្តីប្រាថ្នាបាន មានលទ្ធភាពបើកហាងលក់គ្រឿងសមុទ្រមួយកន្លែង ដែលមានទីតាំងនៅផ្ទះលេខ១៥៦Dផ្លូវលេខ១០៥កែវផ្លូវ៥៦៦ភូមិ៨ក្រុម២៧សង្កាត់បឹងត្របែក១ខណ្ឌចំការមនរាជធានីភ្នំពេញ។ ចំពោះបងប្អូនដែលចង់ជួយគាំទ្រឬភ្លក់អាហារសមុទ្រស្រស់ៗអាចកម្ម៉ង់បានតាមរយៈពេល 070 86 13 13 / 077 86 13 13 / 096 54 42 644៕
