កីឡាករ ទឹម វង្សរ៉ាវុធ បានក្លាយជាម្ចាស់ជើងឯកក្នុងការប្រកួតជម្រុះថ្នាក់ជាតិ និងជាកីឡាករតំណាងឲ្យកម្ពុជា ទៅចូលរួមប្រកួតកីឡាអេឡិចត្រូនិក ជើងឯកពិភពលោក លើកទី១៦ ឆ្នាំ២០២៤ (IESF – International Esports Federation 16th World Esport Championship 2024) វិញ្ញាសា eFootball-Console នៅរាជធានីរីយ៉ាត ប្រទេសអារ៉ាប៊ីសាអ៊ូឌីត។
មុនទទួលបានជ័យជម្នះនេះ ដោយជើងខ្លាំងទាំង២ រូប ដោយ កីឡាករ ទឹម វង្សរ៉ាវុធ បានយកឈ្នះកីឡាករ ស្រ៊ុន លីលី នៅវគ្គផ្ដាច់ព្រ័ត្រ កាលពីថ្ងៃចន្ទ ទី១៣ ខែឧសភា ឆ្នាំ២០២៤ នឹងក្លាយជាកីឡាករតំណាងកម្ពុជា ទៅចូលរួមប្រកួតកីឡាអេឡិចត្រូនិក ជើងឯកពិភពលោក លើកទី១៦ ឆ្នាំ២០២៤។
សម្រាប់ការប្រកួតជើងឯកពិភពលោកកីឡា Esports ដែលគ្រោកនឹងប្រព្រឹត្តទៅនៅទីក្រុងរីយ៉ាដ ប្រទេសអារ៉ាប៊ីសាអូឌីត មានការបែងចែកប្រភេទកីឡាជាច្រើនដែលមានប្រាក់រង្វាន់សរុប ចំនួន ១លានដុល្លារអាមេរិក ($1.000.000) ។ ការប្រកួតគ្រោងធ្វើឡើង ចាប់ពីថ្ងៃទី១១ ដល់ថ្ងៃទី១៩ ខែវិច្ឆិកា ឆ្នាំ២០២៤។
តារាងប្រាក់រង្វាន់ ការប្រកួត វិញ្ញាសា eFootball-Console នៅរាជធានីរីយ៉ាត ប្រទេសអារ៉ាប៊ីសាអ៊ូឌីត៖
គួរបញ្ជាក់ថា កីឡាករ ទឹម វង្សរ៉ាវុទ្ធ (Tim Vongravuth) របស់ក្លិបបាល់ទាត់ណាហ្គាវើលដ៍ បានក្លាយជាម្ចាស់ជើងឯក ការប្រកួត អ៊ីខេមបូឌានព្រីមៀរលីគ ឆ្នាំ២០២៣ /២៤ ក្រោយយកឈ្នះលើកកីឡាករ កីឡាករ Mot Ly តំណាងក្រុមព្រៃវែង កាលពីថ្ងៃទី១៧ មីនា នៅទីលាន The Blue Sports Center៕
