សិល្បៈជាតិ៖ បច្ចុប្បន្ននេះប្រហែលជាគ្មានអ្នកណាថា មិនស្គាល់កញ្ញា មាលា តារាសម្ដែងស្រីកូនខ្មែរកាត់បារាំងនោះឡើយ ព្រោះកាលពីអំឡុងបុណ្យចូលឆ្នាំថ្មីប្រពៃណីជាតិខ្មែរ មហាសង្ក្រាន្តឆ្នាំរោង ២០២៤ នាពេលកន្លងមក មាលា ក្ដោបបានតំណែងជាតួឯកស្រី របស់កំពូលតារាចម្រៀងវ័យក្មេង ២រូប គឺវណ្ណដា និងថេណា។ ជាមួយនឹងសមត្ថភាពសម្ដែង រូបសម្រស់ស្អាតបែបនារី កូនកាត់ ធ្វើឱ្យ មាលា ទាក់ចិត្តផលិតករ អ្នកដឹកនាំ ឱ្យចង់បានកញ្ញាទៅសម្ដែងនៅក្នុងស្នាដៃផលិតរបស់ខ្លួន រហូតធ្វើឱ្យស្រីស្រស់រូបនេះ ចេញមកត្អូញត្អែរ និងសុំទោស មិត្តភក្ដិ អ្នកគាំទ្រ ក៏ដូចជាបណ្ដាក្រុមហ៊ុនផ្សេងៗ ដែលចង់បានកញ្ញាទៅរួមការងារ ដោយសារកញ្ញាមិនអាចឆ្លើយតបសារបាន។
