ភ្នំពេញ៖ ចៅក្រមស៊ើបសួរសាលាដំបូងរាជធានីភ្នំពេញ នៅថ្ងៃទី១៦ ខែឧសភាឆ្នាំ២០២៤ បានចេញដីកាឃុំខ្លួនស្ត្រីដែលក្លែងបន្លំជានគរបាល ដាក់ពន្ធនាគារព្រៃសម២ ជាបណ្ដោះអាសន្ន ពីបទ ឆបោក បទបន្លំ រំលោភលើទំនុកចិត្ត និងប្រើប្រាស់នូវឯកសណ្ឋានជាអាទិ៍។
![](https://cdn.troryorng.com/wp-content/uploads/2024/05/27125240/114-2.jpg)
ដោយទទួលបានបញ្ជាដឹកនាំដ៏ខ្ពង់ខ្ពស់ពីឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ត្រី ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ នៅថ្ងៃទី១១ ខែឧសភា ឆ្នាំ២០២៤ កម្លាំងការិយាល័យបានបានទទួលជនសង្ស័យចំនួន ០១ នាក់ ពីប៉ុស្តិ៍នគរបាលរដ្ឋបាលស្វាយប៉ាក ដើម្បីចាត់ការតាមនីតិវិធី ពាក់ព័ន្ធករណី៖
១.ប្រើប្រាស់នូវឯកសណ្ឋានជាអាទិ៍ដែលមានភាពប្រហាក់ប្រហែលគ្នានឹងនគរបាលឬយោធា(ថតរូបពាក់ឯកសណ្ឋាននគរបាលជាតិថ្នាក់វរសេនីយ៍ទោក្លែងក្លាយ) កាលពីឆ្នាំ២០១៩ ។
២.ឆបោក ប្រាក់ចំនួន២១,២០០ដុល្លារអាមេរិក កាលពីអំឡុងខែឧសភា ឆ្នាំ២០២៣ យករូបថតឯកឧត្តមស្នងការ(ឯកឧត្តម ជួន ណារិន្ទ) ទៅបង្កើតតេឡេក្រាមក្លែងក្លាយ ដើម្បីខ្ចីប្រាក់ពីដើមបណ្តឹង ។
៣.រំលោភលើទំនុកចិត្ត យកប្រាក់ចំនួន ៤,៣៥០ដុល្លារអាមេរិក កាលពីឆ្នាំ២០២២។
៤.បន្លំ (ទិញទុរេនមិនឲ្យប្រាក់ចំនួន២៣១,២០០រៀល) កាលពីថ្ងៃទី០៥ ខែឧសភា ឆ្នាំ២០២៤។
![](https://cdn.troryorng.com/wp-content/uploads/2024/05/27125238/116-1.jpg)
![](https://cdn.troryorng.com/wp-content/uploads/2024/05/27125237/image-1393.png)
ជនសង្ស័យមានឈ្មោះ ឃុត ដាវី ភេទ ស្រី អាយុ ៣១ ឆ្នាំ ជនជាតិ ខ្មែរ មានទីលំនៅបុរី កាដាវីនថោន ភូមិឡកំបោរ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ ៕
អត្ថបទ៖តាតុងសែនជ័យ
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)