សិល្បៈជាតិ៖ ថ្មីនេះៗ ក្រសួងវប្បធម៌និងវិចិត្រសិល្ប:រៀបចំសន្និសីទសារព័ត៌មាន ស្ដីពីការត្រៀមធ្វើជាម្ចាស់ផ្ទះរៀបចំព្រឹត្តិការណ៍ប្រឡងចម្រៀងជាពួកអន្តរជាតិលើកដំបូងនៅរាធានីភ្នំពេញ នាព្រឹកថ្ងៃទី២០ ខែឧសភា ឆ្នាំ២០២៤ ក្នុងទីស្តីការក្រសួង។
![](https://cdn.troryorng.com/wp-content/uploads/2024/05/27124202/69500442_712016059263030_4197111671661002752_n.jpg)
តាមការបញ្ជាក់របស់ឯកឧត្តមបណ្ឌិត សំ សំអាង ទីប្រឹក្សាក្រសួងវប្បធម៌និងវិចិត្រសិល្ប: បានថ្លែងថា ព្រឹត្តិការណ៍ដ៏មានសារ:សំខាន់នេះ នឹងត្រៀមប្រារព្ធពិធីបើកនៅល្ងាចថ្ងៃទី២៩ ខែឧសភា ឆ្នាំ២០២៤ នៅសាលមហោស្រពចតុម្មុខ ក្រោមអធិបតីភាពដ៏ខ្ពង់ខ្ពស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្ប: និងប្រារព្ធពិធីបិទនៅថ្ងៃទី១ ខែមិថុនា ឆ្នាំ២០២៤ នៅសាលមហោស្រពក្នុងបរិវេណវិទ្យាស្ថានបច្ចេកទេសកម្ពុជា។
ចំពោះក្រុមចម្រៀងជាពួកអន្តរជាតិគឺអញ្ជើញមកពីបណ្តាប្រទេសអាស៊ានចំនួន៧ក្រុមមកចូលរួមប្រកួតប្រជែង៖ កម្ពុជា២ក្រុម ឥណ្ឌូនេស៊ី២ក្រុម ម៉ាឡេស៊ី២ក្រុម និងថៃឡង់ដ៍១ក្រុម សរុបប្រមាណ២៥០នាក់។ ព្រឹត្តិការណ៍ប្រឡងចម្រៀងជាពួកអន្តរជាតិលើកទី១ នៅទីក្រុងភ្នំពេញក៏គ្រោងនឹងបន្ថែមនូវ «កម្មវិធីមិត្តភាព» (Friendship Concert) ដែលនឹងរៀបចំធ្វើនៅទីលានវត្តភ្នំ និងផ្សារទំនើប ឬទីកន្លែងណាផ្សេងទៀត សម្រាប់សាធារណជនទូទៅបានទស្សនា។ ហើយព្រឹត្តិការណ៍នេះក៏មាននូវសិក្ខាសាលាសម្រាប់សិស្សនិស្សិតមកពីសាកលវិទ្យាល័យនិងសាលាផ្សេងៗ។
![](https://cdn.troryorng.com/wp-content/uploads/2024/05/27124157/photo_2024-05-20_11-40-54-1024x768.jpg)
![](https://cdn.troryorng.com/wp-content/uploads/2024/05/27124158/photo_2024-05-20_11-40-55-1024x768.jpg)
![](https://cdn.troryorng.com/wp-content/uploads/2024/05/27124159/photo_2024-05-20_11-40-57-1024x768.jpg)
![](https://cdn.troryorng.com/wp-content/uploads/2024/05/27124200/photo_2024-05-20_11-40-58-1024x768.jpg)
![](https://cdn.troryorng.com/wp-content/uploads/2024/05/27124201/photo_2024-05-20_11-40-58-2-1024x576.jpg)
សូមជម្រាប ព្រឹត្តិការណ៍នេះ រៀបចំដោយ All Dream គាំទ្រដោយក្រសួងវប្បធម៌និងវិចិត្រសិល្ប: ក្រសួងទេសចរណ៍ ក្រសួងបរិស្ថាន ក្រសួងព័ត៌មាននិងសាលារាជធានីភ្នំពេញ៕
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)