សិល្បជាតិ៖ ឆ្នាំនេះ កូនខ្មែរច្រើននាក់ មានដូចជា តារាសម្ដែង អ្នកបង្ហាញម៉ូដ អ្នកឌីហ្សាញម៉ូដសំលៀកបំពាក់ អ្នកដឹកនាំរឿង តារាចម្រៀង និងអ្នកជំនួញធំៗ បានទៅចូលរួមក្នុងមហាព្រឹត្តិការណ៍សិល្បៈភាពយន្តដ៏ធំមហោស្រពភាពយន្តទីក្រុងកាន នាប្រទេសបារាំង ដែលជាមោទនភាពមួយដែរសម្រាប់វិស័យសិល្បៈកម្ពុជា ប៉ុន្តែកត្តាអស់នេះហើយ ទើបបណ្ដាលឱ្យមានផ្ទុះចេញនូវមតិអវិជ្ជមានមួយចំនួនតូច យ៉ាងណាមិញយើងក៏មិនអាចបំភ្លេចនូវម៉ូដសំលៀកបំពាក់ចំនួន ៣កំផ្លេ ដែលតារាសម្ដែងវ័យក្មេងនិងមានប្រជាប្រិយភាពខ្លាំង ២ដួង គឺកញ្ញា ស៊ីន យូប៊ីន និង កញ្ញា មាន សូនីតា និងលោក អូលី វ៉ាគង់ ទទួលបាននូវការចាប់អារម្មណ៍ព្រោះមានការច្នៃរចនាប្លែកភ្នែកដោយប្រើប្រាស់នូវធនធាននិងវត្ថុធាតុដើមរបស់ខ្មែរ ជាពិសេសទៀតនោះគ្រប់សំលៀកបំពាក់ដែលយកទៅស្លៀកបង្ហាញដើរបង្ហាញលើព្រំក្រហម សុទ្ធតែមានអត្ថន័យនិងខ្លឹមសារទាំងអស់។
ឆ្នាំនេះ កូនខ្មែរច្រើននាក់ មានដូចជា តារាសម្ដែង អ្នកបង្ហាញម៉ូដ អ្នកឌីហ្សាញម៉ូដសំលៀកបំពាក់ អ្នកដឹកនាំរឿង តារាចម្រៀង និងអ្នកជំនួញធំៗ បានទៅចូលរួមក្នុងមហាព្រឹត្តិការណ៍សិល្បៈភាពយន្តដ៏ធំមហោស្រពភាពយន្តទីក្រុងកាន នាប្រទេសបារាំង ដែលជាមោទនភាពមួយដែរសម្រាប់វិស័យសិល្បៈកម្ពុជា ប៉ុន្តែកត្តាអស់នេះហើយ ទើបបណ្ដាលឱ្យមានផ្ទុះចេញនូវមតិអវិជ្ជមានមួយចំនួនតូច យ៉ាងណាមិញយើងក៏មិនអាចបំភ្លេចនូវម៉ូដសំលៀកបំពាក់ចំនួន ៣កំផ្លេ ដែលតារាសម្ដែងវ័យក្មេងនិងមានប្រជាប្រិយភាពខ្លាំង ២ដួង គឺកញ្ញា ស៊ីន យូប៊ីន និង កញ្ញា មាន សូនីតា និងលោក អូលី វ៉ាគង់ ទទួលបាននូវការចាប់អារម្មណ៍ព្រោះមានការច្នៃរចនាប្លែកភ្នែកដោយប្រើប្រាស់នូវធនធាននិងវត្ថុធាតុដើមរបស់ខ្មែរ ជាពិសេសទៀតនោះគ្រប់សំលៀកបំពាក់ដែលយកទៅស្លៀកបង្ហាញដើរបង្ហាញលើព្រំក្រហម សុទ្ធតែមានអត្ថន័យនិងខ្លឹមសារទាំងអស់។
ទីមួយ សមរាត្រីបរមវិស្ណុលោក៖ សំលៀកបំពាក់ដែលកំពូលអ្នកច្នៃម៉ូដឆ្នើម និងគ្រូម៉ូដែល អូលីវ៉ា គង់ បានស្លៀកដើរបង្ហាញនៅលើកំរាលព្រំក្រហម មានបង្ហាញអំពីល្ខោនស្បែកខ្មែរ និងរូបប្រាសាទអង្គរវត្ត នៅពេលរាត្រី រះចំកណ្ដាលនៃប្រាសាទអង្គរវត្តផងដែរ។
ទីពីរ នារីចម្បាំងព្រះមហានគរឥន្ទ្រប្រត្ថព្រះពិស្ណុលោក៖ សំលៀកបំពាក់ដែលមានរំលេចនូវល្ខោនស្បែកធំរបស់ខ្មែរ និងជាសម្បត្តិបេតិកភណ្ឌអរូបី នៃមនុស្សជាតិនៃអង្គការយូណេស្កូកាលពីឆ្នាំ២០០៥ របស់កញ្ញា ស៊ីន យូប៊ីន។ ខ្លឹមសារនៃរ៉ូប នារីចម្បាំងព្រះមហានគរឥន្រ្ទប្រត្ថព្រះពិស្ណុលោក មិនមែនច្បាំងតែលើសឹកសង្រ្កាមតែច្បាំងនិងចំនេះវិជ្ជា ច្បាំងនិងភាពទន់ខ្សោយរបស់ខ្លួនឯងដូចគ្នា ជាពិសេសបង្ហាញពីភាពរឹងមាំតែមិនរឹងរូស ទន់ភ្លន់តែមិនទន់ជ្រាយរបស់ស្រ្តីខ្មែរ។
ទីបី រាជនីក្រមាយ័ន្តខ្មែរ របស់កញ្ញា មាន សូនីតា៖ រ៉ូបពណ៌បៃតងចាស់ដែលច្នៃដោយប្រើក្រមាខ្មែរជាពិសេសជាស្បៃអូសវែងអន្លាយ រំលេចដោយអក្សរយ័ន្តខ្មែរ ដោយមានបញ្ចូលនូវការឌិនត្បូងជាច្រើន លាយឡំនឹងរចនាបថបុរាណទំនើបរបស់ខ្មែរ។ រាជនី ចង់សំដៅទៅលើស្ត្រីដែលមានឋានៈនិងសំលេងមានឥទ្ធិពល ចំណែក ក្រមា គឺជាអ្វីដែលដូនតាខ្មែរបានបន្សល់ទុក ឱ្យប្រជាពលរដ្ឋខ្មែរយើងតែងតែយកមកប្រើប្រាស់ជាប្រចាំ។
ដោយឡែកចំពោះមតិអវិជ្ជមានមួយចំនួនតូចណាមួយនោះ ត្រូវបានអ្នកលេងបណ្ដាញសង្គម និងសាធារណជន សួរត្រលប់ទៅវិញថា មុននឹងយើងទៅរិះគន់គេ ដែលបានចំណាយទាំងពេលវេលា ញើសឈាម និងថវិកាផ្ទាល់ខ្លួន យកអ្វីដែលជាអត្តសញ្ញាណជាតិ ទៅបង្ហាញលើឆាកអន្តរជាតិ សួរមកខ្លួនយើងវិញថា តើយើងមានបានធ្វើដូចគេហើយឬនៅ? តើយើងបានចូលរួមផ្សព្វផ្សាយពីប្រទេសជាតិ សិល្បៈវប្បធម៌ជាតិខ្មែរយើងបានកម្រិតណាហើយ?
ពេលវេលា ដែលកំពុងតែផុយស្រួយ ដោយសារតែបញ្ហាចម្រូងចម្រាសរឿងវប្បធម៌ជាមួយនឹងបរទេស យើងមិនគួរបង្វែចុងកាណុងចូលផ្ទះខ្លួនឯងនោះឡើយ ប៉ុន្តែយើងគួរមានសាមគ្គីភាព ឯកភាពជាតិ ព្រោះបើយើងមិនទាន់បានធ្វើអ្វីជាដុំកំភួនដើម្បីជាតិ គួរគម្បីលើកទឹកចិត្តដល់អ្នកដែលបានប្រឹងប្រែងផ្សព្វផ្សាយពីជាតិខ្មែរនៅលើឆាកអន្តរជាតិ ប្រសើរជាងទៅឃាត់ឃាំរាំងដំណើរគេ សូមកុំធ្វើខ្លួនឱ្យដូចជាសុភាសិតខ្មែរ បើមិនបានជួយចូកជួយចែវ កុំយករាទឹក៕