សិល្បៈជាតិ៖ ការបង្ហាញវត្តមានដើរលើកម្រាលព្រំក្រហមរបស់ តារាសម្ដែង មាន សូនីតា នៅថ្ងៃទីពីរ នៅតែអាចឆក់នូវការចាប់អារម្មណ៍ពីកាសែតបរទេសមិនចាញ់ថ្ងៃទីមួយ ដោយអត្ថន័យរបស់រ៉ូបសវែងមានរំលេចក្បាច់ផ្កាភ្ញីខ្មែរនិងមកុដដ៏ស្អាតនេះមានឈ្មោះថា ផ្កាចន្ទន៍អង្គរ នារីកម្ពុជា (Pka Chan Angkor Neary Kampuchea) ដែលខ្លឹមសារ ប្រៀបដូចអប្សរពត់ពេនយ៉ាងប្រណិត រំលេចជាមួយផ្កាចន្ទន៍ ពណ៌មាស លើដងខ្លួនស្រឡូនដោយមានជំហរឈរខ្ពស់យ៉ាងមុតមាំពោរពេញដោយសម្រស់ពីធម្មជាតិ មកច្នៃចេញជាសិល្បៈ ក្នុងទម្រង់ខ្មែរបែបសម័យទំនើប។ រីឯផ្កាច័ន្ទន៍ គឺជារុក្ខជាតិធម្មជាតិរបស់ខ្មែរយើងតាំងពីបុរាណកាលដែលមានទាំងផ្លែទាំងផ្កា ដូច្នេះហើយក្នុងការស្រមើស្រមៃមួយនេះយើងយកធម្មជាតិមកច្នៃចេញជាសិល្បៈ ក្នុងប្រផ្នូលរីកលូតលាស់ចេញជាផ្លែផ្កា យ៉ាងអំណោយផល ប្រៀបដូចជា ផ្កាចន្ទន៍អង្គរបានលេចរូបរាងលើកម្រាលព្រំក្រហម នៅទីក្រុងកាន ប្រទេសបារាំងអញ្ចឹងដែរ។
