សិល្បៈជាតិ៖ នៅថ្ងៃទី២៨ ខែឧសភា ឆ្នាំ២០២៤ នេះ លោក វី យ៉ារ៉ូ បានបង្ហោះសារ និងរូបថតធៀបការ ដែលធ្វើឱ្យអ្នកគាំទ្រមានការភ្ញាក់ផ្អើលជាខ្លាំង។
នៅក្នុងសំណេររបស់លោក យ៉ារ៉ូ ដែលបានសរសេរលើបណ្ដាញសង្គម ហើយ tag ឱ្យទៅទាំងកញ្ញា យ៉ែម ស្រីពេជ្រ និងពូ ណុយ មានសេចក្ដីដូចតទៅ៖ «ចាំថ្ងៃនេះយូរហើយ។ មិនហ៊ាននិយាយ ទុកឱ្យម្ចាស់គេជាអ្នកបង្ហាញ។ ធ្វើការនៅភីអិនអិន កម្មវិធីអ្នកជិតខាង ជាមួយគ្នាយូរ មានចិត្តលើគ្នា។ ចូលរួមអបអរសាទរថ្ងៃពិសេស ប្អូនស្រី យ៉ែម ស្រីពេជ្រ និងពូណុយ។ ជួបគ្នាថ្ងៃទី៧ ណា។»
ការបង្ហោះនេះ មានទាំងហ្វេនដែលជឿ និងមានអ្នកដែលនៅមិនទាន់ជឿ ហើយគិតថាវាគឺជាការបង្ហោះទាមទារចំណាប់អារម្មណ៍បែប Prank ក្នុងន័យប្រូម៉ូតណាមួយ ព្រោះនៅក្នុងខ្លឹមសារនៃធៀបការនោះ គ្រាន់តែសរសេរថាជួបគ្នានៅទូរទស្សន៍ ភីអិនអិន ថ្ងៃទី៧ មិថុនា ប៉ុណ្ណោះ ដែលត្រង់នេះស្ដែងឱ្យឃើញថា វាអាចនឹងមានការរៀបចំពិសេសណាមួយ អាចជាកម្មវិធីគម្រប់ខួបនៃការរៀបចំកម្មវិធី «អ្នកជិតខាង» ដែលដំណើរការមកបាន២ឆ្នាំក៏ថាបាន។ ត្បិតមានការលើកឡើងដូច្នេះ ក៏មហាជននៅតែរងចាំមើលដោយអន្ទះសារផងដែរ តើជាការពិតទេដែលថា យ៉ែម ស្រីពេជ្រ រៀបការជាមួយ ពូណុយ?
