កីឡាករបាល់ទះជប៉ុន Masahiro Sekita ដែលជាអ្នកលើកបាល់ដៃទី១ នឹងមិនមានវត្តមានប្រកួតទល់នឹងក្រុមខ្លាំងប៉ូឡូញ ឡើយដោយសារតែរបួសជើង ខណៈរូបគេបានជួយឱ្យក្រុមយកឈ្នះលើអាល្លឺម៉ង់ កាលពីថ្ងៃទី៦ ខែឧសភា ឆ្នាំ២០២៤ កន្លងទៅ នេះបើយោងតាមការបញ្ជាក់ពីកីឡាករ Yuki Ishikawa។
ក្រោយមិនមានវត្តមានកីឡាករ Masahiro Sekita លោក Philippe Blain គ្រូបង្វឹកជនជាតិបារាំង របស់ក្រុមបាល់ទះជប៉ុន បានដាក់កីឡាករ Oya និង Otsuka ជំនួសទៅក្នុងបញ្ជីឈ្មោះកីឡាករ ១៤នាក់វិញ ត្រៀមជួបក្រុមជម្រើសជាតិប៉ូឡញ។
សម្រាប់កីឡាករ Masahiro Sekita បច្ចុប្បន្នមានវ័យ ៣០ឆ្នាំ ដោយរូបគេគឺជាតួរអង្គសម្ខាន់ បានជួយឱ្យក្រុមបាល់ទះជម្រើសជាតិជប៉ុនឈ្នះជាច្រើនប្រកួត ក្នុងពានរង្វាន់ FIVB Volleyball Men’s Nations League 2024 ឆ្នាំ២០២៤ ជាក់ស្តែងការប្រកួតចុងក្រោយបានយកឈ្នះលើក្រុមជម្រើសជាតិអាល្លឺម៉ង់ ដោយលទ្ធផល ៣សិតទល់នឹង២ កាលពីថ្ងៃទី៦ ខែឧសភា ឆ្នាំ២០២៤ កន្លងទៅ។
ដោយលែកយើងមកដឹងពីលទ្ធផលការប្រកួតរបស់ក្រុមជម្រើសជាតិជប៉ុន នៅក្នុងពានរង្វាន់ Nations League 2024 ៖
- ជប៉ុន ៣-១ អាហ្សង់ទីន (26–24, 22–25, 23–25, 19–25)
- ជប៉ុន ៣-០ ស៊ែប៊ី (25–20, 25–16, 25–22)
- ជប៉ុន ៣-២ គុយបា (25–18, 22–25, 23–25, 25–19, 20–22)
- ជប៉ុន ១-៣ អ៊ីតាលី (25–23, 16–25, 17–25, 17–25)
- ជប៉ុន ៣-០ អ៊ីរ៉ង់ (23–25, 22–25, 17–25)
- ជប៉ុន ៣-២ អាល្លឺម៉ង់ (22–25, 25–22, 27–25, 23–25, 8–15)។
ដូចនេះក្រុមបាល់ទះបុរសជប៉ុន នឹងត្រូវជួបក្រុមបុរសរបស់ប្រទេស ប៉ូឡូញ ដែលជាក្រុមខ្លាំងពិភពលោក នៅថ្ងៃទី០៧ ខែមិថុនា វេលាម៉ោង ៧:២០នាទីយប់។
គួរឱ្យដឹងថា ពានរង្វាន់ FIVB Volleyball Men’s Nations League 2024 ត្រូវបានរៀបចំឡើងដោយសហព័ន្ធកីឡាបាល់ទះអន្តរជាតិ ចាប់ផ្ដើមដំណើរការប្រកួតកាលពីថ្ងៃទី២១ ខែឧសភា ដោយមានក្រុមចូលរួមមកពីតាមទ្វីបនានាចំនួន១៦ក្រុម នឹងបញ្ចប់ទៅវិញនៅថ្ងៃទី៣០ ខែមិថុនា ឆ្នាំ២០២៤៕
