ក្រុមបាល់ទះជម្រើសជាតិអ៊ីរ៉ង់ ស្ថិតនៅបាតតារាង លេខរៀងទី១៦ នៃពានរង្វាន់បាល់ទះពិភពលោកផ្នែកបុរស FIVB Volleyball Men’s Nations League 2024 ដែលរៀបចំឡើងដោយសហព័ន្ធកីឡាបាល់ទះអន្តរជាតិ ក្រោយឆ្លងកាត់ ៨ប្រកួត មិនដែលឈ្នះសោះ ចាញ់ទាំង៨ មាន២ពិន្ទុ។
តារាងចំណាត់ថ្នាក់ FIVB Volleyball Men’s Nations League 2024 បណ្តោះអាសន្ន៖
១ អ៊ីតាលី ៨ប្រកួត ឈ្នះ៧ ចាញ់១ មាន២១ពិន្ទុ
២ ស្លូវេនី ៨ប្រកួត ឈ្នះ៧ ចាញ់១ មាន១៨ពិន្ទុ
៣ ប៉ូឡូញ ៨ប្រកួត ឈ្នះ៦ ចាញ់២ មាន១៨ពិន្ទុ
៤ បារាំង ៨ប្រកួត ឈ្នះ៦ ចាញ់២ មាន១៧ពិន្ទុ
៥ ជប៉ុន ៨ប្រកួត ឈ្នះ៦ ចាញ់២ មាន១៦ពិន្ទុ
៦ ប្រេស៊ីល ៨ប្រកួត ឈ្នះ៥ ចាញ់៣ មាន១៦ពិន្ទុ
៧ កាណាដា ៨ប្រកួត ឈ្នះ៤ ចាញ់៤ មាន១៣ពិន្ទុ
៨ គុយបា ៨ប្រកួត ឈ្នះ៤ ចាញ់៤ មាន១២ពិន្ទុ
៩ អាហ្សង់ទីន ៨ប្រកួត ឈ្នះ៤ ចាញ់៤ មាន១១ពិន្ទុ
១០ ស៊ែប៊ី ៨ប្រកួត ឈ្នះ៣ ចាញ់៥ មាន១០ពិន្ទុ
១១ អាល្លឺម៉ង់ ៨ប្រកួត ឈ្នះ៣ ចាញ់៥ មាន៩ពិន្ទុ
១២ សហរដ្ឋអាមេរិក ៨ប្រកួត ឈ្នះ៣ ចាញ់៥ មាន៩ពិន្ទុ
១៣ ហូឡង់ ៨ប្រកួត ឈ្នះ៣ ចាញ់៥ មាន៩ពិន្ទុ
១៤ ប៊ុលហ្គារី ៨ប្រកួត ឈ្នះ២ ចាញ់៦ មាន៥ពិន្ទុ
១៥ ទួរគី ៨ប្រកួត ឈ្នះ១ ចាញ់៧ មាន៥ពិន្ទុ
១៦ អ៊ីរ៉ង់ ៨ប្រកួត ចាញ់៨ មាន២ពិន្ទុ។
ពានរង្វាន់ FIVB Volleyball Men’s Nations League រៀបចំឡើងពីឆ្នាំ២០១៨ មកខណៈឆ្នាំដំបូងធ្វើឡើងនៅទីក្រុង Lille ប្រទេសបារាំង និងឆ្នាំបន្ទាប់ធ្វើឡើងនៅទីក្រុង Chicago សហរដ្ឋអាមេរិក ហើយក្រុមជម្រើសជាតិរុស្ស៊ី ឈ្នះជើងឯកទាំង២លើក ស្របពេលឆ្នាំ២០២០ កន្លងទៅត្រូវបានរំសាយចោលដោយសារស្ថានភាពរីករាលដាលនៃជំងឺកូវីដ-១៩។
លុះដល់ឆ្នាំ ២០២១ ធ្វើនៅទីក្រុង Rimini ប្រទេសអ៊ីតាលី ជើងឯកបានទៅលើក្រុមជម្រើសជាតិប្រេស៊ីល ចំណែកឯឆ្នាំ ២០២២ ធ្វើនៅទីក្រុង Bologna ប្រទេសអ៊ីតាលី ជើងឯកបានទៅលើក្រុមជម្រើសជាតិបារាំង និងចុងក្រោយឆ្នាំ ២០២៣ ធ្វើនៅទីក្រុង Gdańsk ប្រទេសប៉ូឡូញ ជើងឯកបានទៅលើក្រុមជម្រើសជាតិប៉ូឡូញ។ ខណ:ក្រុមបាល់ទះជម្រើសជាតិជប៉ុន ធ្លាប់ទទួលបានចំណាត់ថ្នាក់លេខ៣ (មេដាយសំរិទ្ធ) ម្តងប៉ុណ្ណោះកាលពីឆ្នាំ២០២៣៕
