ក្រុមបាល់ទះនារីថៃ នឹងត្រូវជួបក្រុមមិនទាន់បរាជ័យសោះនារីប្រេស៊ី នៃព្រឹត្តិការណ៍ប្រកួតពានរង្វាន់បាល់ទះផ្នែកនារីកម្រិតពិពភលោក FIVB Volleyball Women’s Nations League ឆ្នាំ២០២៤ នៅវគ្គ ៨ក្រុមចុងក្រោយ។
តើក្រុមបាល់ទះនារីថៃ អាចបញ្ជប់កំណត់ត្រាឈ្នះរបស់ក្រុមបាល់ទះនារីប្រេស៊ីលបានឬយ៉ាងណា? ខណ:ចំនួន ១២ប្រកួតជាប់គ្នាប្រេស៊ី មិនទាន់ស្គាល់រសជាតិចាញ់សោះ និងកំពុងកាន់កាប់តំណែងកំពូលតារាង ក្នុងពានរង្វាន់បាល់ទះអន្តរជាតិ ឆ្នាំ២០២៤។
កម្មវិធីប្រកួតថ្ងៃទី២០ មិថុនា ២០២៤៖
- ក្រុមបាល់ទះនារីចិន ត្រូវជួប ជប៉ុន វេលាម៉ោង ៥:០០នាទីល្ងាច
- ក្រុមបាល់ទះនារីប្រេស៊ីល ត្រូវជួប ថៃ វេលាម៉ោង ៨:៣០នាទីយប់
កម្មវិធីប្រកួតថ្ងៃទី២១ មិថុនា ២០២៤៖
- ក្រុមបាល់ទះនារីអ៊ីតាលី ត្រូវជួប សហរដ្ឋអាមេរិក វេលាម៉ោង ៥:០០នាទីល្ងាច
- ក្រុមបាល់ទះនារីប៉ូឡូញ ត្រូវជួប តួកគី វេលាម៉ោង ៨:៣០នាទីយប់
ក្រោយរកឃើញក្រុមដែលឈ្នះ នឹងដឹកដៃគ្នាឡើងនៅកាន់វគ្គពាក់កណ្ដាលផ្ដាច់ព្រ័ត្រ ដែលនឹងត្រួវប្រកួតនៅថ្ងៃទី២២ ខែមិថុនា ក្រុមដែលឈ្នះ នឹងបន្តជួបគ្ននៅវគ្គផ្ដាច់ព្រ័ត្រ ថ្ងៃទី២៣ ខែមិថុនា ឆ្នាំ២០២៤ ដើម្បីដណ្ដើមជើងឯក។
សម្រាប់លទ្ធផលឆ្លងកាត់ ១២ប្រកួតរួមមកឃើញថា ក្រុមបាល់ទះនារីប្រេស៊ីល មិនដែលចាញ់សោះរួមមាន៖
ប្រកួតទី១៖ ប្រេស៊ីល ៣-១ កាណាដា (26–24, 23–25, 26–24, 25–12)
ប្រកួតទី២៖ ប្រេស៊ីល ៣-០ កូរ៉េខាងត្បូង (25–15, 25–19, 25–17)
ប្រកួតទី៣៖ ប្រេស៊ីល ៣-១ សហរដ្ឋអាមេរិក (25–22, 25–16, 18–25, 25–19)
ប្រកួតទី៤៖ ប្រេស៊ីល ៣-០ ស៊ែប៊ី (25–15, 25–19, 25–19)
ប្រកួតទី៥៖ ប្រេស៊ីល ៣-២ ជប៉ុន (24–26, 26–24, 19–25, 25–20, 15–11)
ប្រកួតទី៦៖ ប្រេស៊ីល ៣-១ ហូឡង់( 25–17, 20–25, 25–20, 25–18)
ប្រកួតទី៧៖ ប្រេស៊ីល ៣-២ អ៊ីតាលី (26–24, 25–27, 18–25, 25–19, 15–10)
ប្រកួតទី៨៖ ប្រេស៊ីល ៣-០ ថៃ (25–22, 25–14, 25–17 )
ប្រកួតទី៩៖ ប្រេស៊ីល ៣-១ ប៉ូឡូញ (22–25, 25–17, 25–17, 25–16)
ប្រកួតទី១០៖អាល្លឺម៉ង់១-៣ ប្រេស៊ីល (20–25, 22–25, 25–21, 24–26)
ប្រកួតទី១១៖ ប៊ុលហ្គារី ០-៣ ប្រេស៊ីល (11–25, 11–25, 23–25)
ប្រកួតទី១២៖ តួកគី ០-៣ ប្រេស៊ីល (14–25, 14–25, 19–25)
ព្រឹត្តិការណ៍ ប្រកួតពានរង្វាន់បាល់ទះកម្រិតពីភពលោកFIVB Volleyball Women’s Nations League ឆ្នាំ២០២៤ ត្រូវបានរៀបចំឡើងដោយសហព័ន្ធកីឡាបាល់ទះអន្តរជាតិ ដែលប្រព្រឹត្តិទៅនៅទីក្រុងបាងកក ប្រទេសថៃ ដោយបានចាប់ផ្ដើមដំណើរការប្រកួតពីថ្ងៃទី១៤ ឧសភា រហូតដល់ថ្ងៃទី២៣ មិថុនា ២០២៤។
ក្នុងមានក្រុមមកពី ១៦ប្រទេសចូលរួម ប្រកួតប្រជែង មានដូចជា៖ ប្រេស៊ីល, ប៊ុលហ្គារី, កាណាដា, ចិន, សាធារណរដ្ឋដូមីនីកែន, បារាំង, អាល្លឺម៉ង, អ៊ីតាលី, ជប៉ុន, ហូឡង់, ប៉ូឡូញ, ស៊ែប៊ី, កូរ៉េខាងត្បូង, តួកគី, សហរដ្ឋអាមេរិក និងថៃ។
ពានរង្វាន់ FIVB Volleyball Women’s Nations League ត្រូវបានរៀបចំឡើងចាប់ពីឆ្នាំ២០១៨មក ខណៈឆ្នាំដំបូង និងឆ្នាំទី២ ធ្វើឡើងនៅប្រទេសចិន ហើយក្រុមជម្រើសជាតិអាមេរិក ឈ្នះជើងឯកទាំង២លើក ស្របពេលឆ្នាំ២០២០ កន្លងទៅត្រូវបានរំសាយចោលដោយសារស្ថានភាពរីករាលដាលនៃជំងឺកូវីដ-១៩។
លុះដល់ឆ្នាំ ២០២១ ធ្វើនៅប្រទេសអ៊ីតាលី ជើងឯកបានទៅលើក្រុមជម្រើសជាតិអាមេរិកដដែល ចំ ណែកឯឆ្នាំ ២០២២ ធ្វើនៅប្រទេសតួកគី ជើងឯកបានទៅលើក្រុមជម្រើសជាតិអ៊ីតាលី និង ចុង ក្រោយឆ្នាំ ២០២៣ ធ្វើនៅប្រទេសអាមេរិក ជើងឯកបានទៅលើក្រុមជម្រើសជាតិតួកគី៕
