មកដឹងពីសារមន្ទីរសារមន្ទីរប្រវត្តិសាស្ត្រធម្មជាតិ កន្លែងហ្វូស៊ីល Chengjiang ប្រទេសចិន

សារមន្ទីរប្រវត្តិសាស្ត្រធម្មជាតិតំបន់ហ្វូស៊ីល Chengjiang គឺជាសារមន្ទីរប្រវត្តិសាស្ត្រធម្មជាតិដ៏ធំមួយ និងជាកន្លែងវប្បធម៌ដំបូងគេរបស់ប្រទេសចិនដែលត្រូវបានសាងសង់នៅលើទីតាំងហ្វូស៊ីល។ ជាមួយនឹងហ្វូស៊ីល Cambrian ត្រូវបានរកឃើញនៅស្រុក Chengjiang ខេត្តយូណាន ប្រទេសចិន ដែលជាការប្រមូលផ្តុំបង្កើតនៅក្នុងភពផែនដី ដែលបានពន្យល់ពីប្រភពដើមនៃជីវិត ការវិវត្តន៍ និងជីវចម្រុះផ្សេងៗ។

សារមន្ទីរនេះ បានផ្តល់ភស្តុតាងដ៏មានតម្លៃសម្រាប់ការបើកបង្ហាញអាថ៌កំបាំងនៃការផ្ទុះ Cambrian ។ ការរកឃើញនេះត្រូវបានសារទរថា ជារបកគំហើញផ្នែកវិទ្យាសាស្ត្រដ៏អស្ចារ្យបំផុតមួយនៃសតវត្សទី20 ហើយកន្លែងហ្វូស៊ីល Chengjiang ត្រូវបានចុះក្នុងបញ្ជីបេតិកភណ្ឌពិភពលោកក្នុងឆ្នាំ 2012។

នៅក្នុងសារមន្ទីរប្រវត្តិសាស្ត្រធម្មជាតិតំបន់ហ្វូស៊ីល Chendgjiang មានផ្ទាំងថ្មដ៏ធំមួយ ជាទីជាទីកំណាយប្រវត្តិសាស្ដ្ររបស់ចិន នៅក្នុងការរកឃើញផូស៊ីល​ដែលមានអាយុកាលជាង​៥០០លានឆ្នាំមកហើយ។ ផែនដីមានប្រវតិ្តសាស្រ្តដ៏យូរលង់ណាស់មកហើយ ដែលការវិវត្តន៍នៃជីវិតជាច្រើនមកដល់ពេលបច្ចុប្បន្ននេះ។

នៅសារមន្ទីរនេះដែរ ភ្ញៀវទេសចរជាតិ និងអន្ដរជាតិ អាចមើលឃើញការរីកដុះដាលដ៏ស្រស់ស្អាតដំបូងនៃជីវិតនៅលើផែនដីក្នុងកំឡុងសម័យ Carmbrian និងការផ្ទុះឡើងនៃបុព្វបុរសចម្រុះនៃសត្វមានជីវិត ដែលបង្ហាញពីការបង្កើតដើមឈើសត្វនៅលើផែនដី។ នៅទីនេះក៏មានរូបភាព ហ្វូស៊ីល ដាយណូស័រ ដំរីធំៗ សត្វតូចធំ នៅក្នុងនោះក៏បង្ហាញអំពីដើមកំណើតមនុស្សវិវត្តន៍មកពីសត្វស្វាផងដែរ។

គ្របដណ្តប់លើផ្ទៃដី 42,000 ម៉ែត្រការ៉េ សារមន្ទីរប្រវត្តិសាស្ត្រធម្មជាតិនៃកន្លែងហ្វូស៊ីល Chengjiang រួមមានអគារវិចិត្រសាល រោងកុន មជ្ឈមណ្ឌលអ្នកទស្សនា មជ្ឈមណ្ឌលស្រាវជ្រាវ និងមជ្ឈមណ្ឌលវប្បធម៌ និងច្នៃប្រឌិត។ វាផ្ទុកហ្វូស៊ីល និងសំណាកជាង 60,000 មកពីជុំវិញពិភពលោក។ ដោយមានជំនួយពី VR និងបច្ចេកវិទ្យាអន្តរកម្មដ៏ឆ្លាតវៃ សារមន្ទីរបានទាក់ទាញអ្នកទស្សនានូវបទពិសោធន៍ដែលមើលឃើញគួរឱ្យចាប់អារម្មណ៍ ដោយបង្ហាញពីឈុតឆាកដ៏រស់រវើកនៃការផ្ទុះ Cambrian ដើម្បីពិពណ៌នាអំពីដំណើរវិវត្តន៍ជីវិត និងការរំលេចនូវតួនាទីសំខាន់របស់ហ្វូស៊ីល Chengjiang ក្នុងការយល់ដឹង។

សូមទស្សនាវីដេអូ៖