ទីក្រុង Kunming រដ្ឋធានីនៃខេត្ត Yunnan ភាគនិរតីនៃប្រទេសចិន បានរីកដុះដាល និងឈានមុខគេ នៃការជួញដូរទីផ្សារផ្ការបស់ខ្លួននៅឆ្នាំ២០២៤ ។
បន្ទាប់ពីពិធីបើកសម្ពោធជាផ្លូវការ កម្មវិធីមេគង្គឡានឆាងលើកទី៥ នៅយូណាន ប្រទេសចិន ឯកឧត្តម កឹម គុណវឌ្ឍន៍ រដ្ឋលេខាធិការក្រសួងព័ត៌មាន និង ឯកឧត្តម អ៊ុក គឹមសេង អនុរដ្ឋលេខាធិការក្រសួងព័ត៌មាន បានដឹកនាំប្រតិភូកម្ពុជា ចូលរួមទស្សនកិច្ចនៅ Kunming International Flower Auction and Trading Center Co., Ltd.។ នៅក្នុងដំណើរទស្សនកិច្ចរយៈពេល៥ថ្ងៃពីថ្ងៃទី១៦-២០ ខែមិថុនា ឆ្នាំ២០២៤ ក៏មានវត្តមាន លោក ប៊ិន ប៊ុណ្ណា អគ្គនាយកសារព័ត៌មានត្រយងផងដែរ។
Kunming International Flower Auction and Trading Center Co., Ltd. ត្រូវបានបង្កើតឡើងក្នុងឆ្នាំ 2001។ វាគឺជាសេវាកម្មឧស្សាហកម្មដ៏ទូលំទូលាយដែលផ្តោតជាសំខាន់លើការដេញថ្លៃផ្កា និងរួមបញ្ចូលការបង្កើតស្តង់ដារផ្កា ការស្រាវជ្រាវ និងការអភិវឌ្ឍន៍ និងការផ្សព្វផ្សាយពូជថ្មី សេវាព័ត៌មានទីផ្សារ។ សេវាកម្មបច្ចេកទេស សេវាកម្មហិរញ្ញវត្ថុ និងសេវាកម្មដឹកជញ្ជូន
ដោយសារតែអំណោយផលអាកាសធាតុ មជ្ឈមណ្ឌលពាណិជ្ជកម្មដេញថ្លៃផ្កាអន្តរជាតិគុនមីង (Kunming international flora auction trading center) បានក្លាយជាទីផ្សារនាំចេញផ្កាស្រស់ដ៏ធំបំផុតនៅក្នុងពិភពលោក ដោយជារៀងរាល់ឆ្នាំ ដើមផ្កាស្រស់ចំនួន ១៦,៧ពាន់លានដើមត្រូវបានប្រមូលផលបានបញ្ចេញទៅកាន់ទីផ្សារនានាក្នុងពិភពលោក៕
