តារាសម្ដែងចិន Liu Yifei ទទួលបានថ្លៃខ្លួនចំនួន២៥លានយាន់ ឬប្រមាណ៣.៤លានដុល្លារអាមេរិក សម្រាប់ការសម្ដែងជាតួឯកស្រីនៅក្នុងភាពយន្ត «The Tale of Rose» ឬ «រឿងនិទាននៃផ្កាកុលាប» ធ្វើឱ្យតារាស្រីរូបនេះក្លាយជាតារាសម្ដែងដែលទទួលបានតម្លៃពលកម្មនៃការសម្ដែងខ្ពស់ជាងគេបំផុតមួយ។
យោងតាម Marie Claire Taiwan បានរាយការណ៍ថា តារាស្រីរូបនេះទទួលបានកម្រៃ ខ្ពស់បំផុតនៅក្នុងចំណោមតារាសម្ដែងជាមួយគ្នា ខណៈដែលតារាសម្ដែងប្រុស Wallace Huo គឺជាតារាសម្ដែងទីពីរដែលទទួលបានកម្រៃ ២០លានយាន់ តាមពីក្រោយដោយតារាសម្ដែង Tong Dawei ទទួលបានកម្រៃ ១៨លានយាន់ , Peng Guanying ទទួលបានកម្រៃ ១៥លានយាន់ និង Lin Gengxin ទទួលបានកម្រៃ ១២លានយាន់។
ភាពយន្តភាគរឿង «The Tale of Rose» នឹងចាក់បញ្ចាំងនៅលើកញ្ចក់ទូរទស្សន៍ CCTV ដោយសាច់រឿងទាំងមូលបរិយាយពីនារីម្នាក់ ឆ្លងកាត់ជីវិតស្នេហាខុសៗគ្នាចំនួន៤។
សូមរំលឹកឡើងវិញថាតារាសម្ដែងស្រី Liu Yifei ត្រូវបានគេស្គាល់ដំបូងតាមរយៈការសម្ដែងរឿង «The Story of a Noble Family» តារាស្រីរូបនេះចាប់ផ្ដើមប្រឡូកទាំងនៅក្នុងភាពយន្តទាំងប្រទេសចិន និងហូលីវូដចាប់ពីឆ្នាំ២០០៨មក។
