ក្រុមបាល់ទាត់ជម្រើសជាតិកម្ពុជា អាយុក្រោម ១៦ឆ្នាំ ក្រោយការដឹកនាំរបស់លោក Koji Gyotoku ជនជាតិជប៉ុន ជាគ្រូបង្វឹក បានយកឈ្នះ U16 ប្រ៊ុយណេ ក្នុងលទ្ធផល ៦ល់និង០ នាល្ងាចថ្ងៃទី២៨ ខែមិថុនា ឆ្នាំ២០២៤ នៃពានរង្វាន់ ASEAN U-16 Boys Championship 2024 ម៉ោង ក្នុងកីឡដ្ឋាន Sriwedari នៅប្រទេសឥណ្ឌូណេស៊ី។
ជ័យជម្នះលើក្រុម U16 ប្រ៊ុយណេ នេះ បានធ្វើអោយ U16 កម្ពុជា ឡើងឈរជាក្រុមលេខ១ ល្អក្នុងពូល B បណ្ដោះអាសន្ន ដោយឆ្លងកាត់ ៣ប្រកួត ឈ្នះ២ ស្មើ១ មាន ៧ពិន្ទុ។ ខណ:ក្រុម U16 វៀតណាម បានយកឈ្នះ ក្រុម U16 មីយ៉ាន់ម៉ា ក្នុងលទ្ធផល ៥ទល់និង១ ឡើងឈរកំពូលតារាង។
តារាងចំណាត់ថ្នាក់ពូល B បណ្តោះអាសន្ន៖
- វៀតណាម ៣ប្រកួត ឈ្នះ២ ស្មើ១ មាន ៧ពិន្ទុ
- កម្ពុជា ៣ប្រកួត ឈ្នះ២ ស្មើ១ មាន ៧ពិន្ទុ
- មីយ៉ាន់ម៉ា ៣ប្រកួត ឈ្នះ១ ចាញ់២ មាន ៣ពិន្ទុ
- ប្រ៊ុយណេ ៣ប្រកួត ចាញ់៣ មិនទាន់មានពិន្ទុ។
២ប្រកួត កន្លងមករបស់ក្រុមគោព្រៃជំទង់កម្ពុជា បន្តធ្វើបានល្អពោលគឺបានប្រកួត ឈ្នះមីយ៉ាន់ម៉ា និងជាមួយស្មើគ្នាជាមួយក្រុមវៀតណាម ក្នុងកីឡដ្ឋាន Sriwedari Stadium ស្ថិតក្នុងទីក្រុងស៊ូរ៉ាកាតា ប្រទេសឥណ្ឌូនេស៊ី ។
លទ្ធផល ២ប្រកួតរបស់ក្រុមកម្ពុជាកន្លងមកក្នុងពូក B មាន៖
ថ្ងៃទី២២ ខែមិថុនា៖ កម្ពុជា ២-១ មីយ៉ាន់ម៉ា
ថ្ងៃទី២៥ ខែមិថុនា៖ កម្ពុជា ១-១ វៀតណាម
ក្រុមលេខ ២ល្អបណ្តោះអាសន្ន៖
- កម្ពុជា ៣ប្រកួត ឈ្នះ២ ស្មើ១ ៧ពិន្ទុ
- ឡាវ ៣ប្រកួត ឈ្នះ២ ចាញ់១ ៦ពិន្ទុ
- អូស្រ្តាលី ២ប្រកួត ឈ្នះ១ ស្មើ១ ៤ពិន្ទុ។
តែយ៉ាងណាយើងរងចាំអ៊ុតមើល ការប្រកួតពូល C រវាងក្រុម U16 ថៃ ប៉ះក្រុម U16 ម៉ាឡេស៊ី និង ក្រុម U16 ទីម័រខាងកើត ប៉ះក្រុម U16 អូស្រា្តលី នៅថ្ងៃទី២៩ មិថុនា ២០២៤ វេលាម៉ោង ៣:០០នាទីរសៀល ដើម្បីរកក្រុមលេខ២ ល្អដើម្បីឡើងទៅកាន់វគ្គ ៤ក្រុមចុងក្រោយ។
គួរដឹងថាពានរង្វាន់ ASEAN U-16 Boys Championship 2024 ដែលប្រទេសឥណ្ឌូណេស៊ី ទទួលរៀបចំធ្វើជាម្ចាស់ផ្ទះ ចាប់ផ្តើមដំណើរការប្រកួតពីថ្ងៃទី២១ ខែមិថុនា ហើយគ្រោងនឹងបញ្ចប់ទៅវិញនៅថ្ងៃទី៣ ខែកក្កដា ឆ្នាំ២០២៤ ដោយមាន១២ប្រកួតចូលរួម៕
