ការប្រកួតពានរង្វាន់លីគយុវជនអាយុក្រោម ១៩ឆ្នាំ Cambodian Youth League ឆ្នាំ២០២៤ បានបញ្ចប់ការប្រកួតសប្តាហ៍ទី៧ ហើយកាលពីថ្ងៃទី៣០ ខែមិថុនា ឆ្នាំ២០២៤ កន្លងទៅ ក្នុងនោះឃើញថា ក្រុមខ្លាំងវិសាខា បានបន្តឈ្នះលើក្រុមអង្គរថាយហ្គឺរ ខណៈក្រុមភ្នំពេញក្រោន ឈ្នះណាហ្គាវើលដ៍ ។
លទ្ធផលការប្រកួតសប្តាហ៍ទី៧
ពានរង្វាន់លីគយុវជនក្រោមអាយុ១៩ឆ្នាំ រដូវកាល២០២៤ ធ្វើឡើងពីថ្ងៃទី១៥ ខែឧសភា ដល់ថ្ងៃទី៣ខែវិច្ឆិកា ឆ្នាំ២០២៤ ដោយមានក្លិបជាសមាជិកចំនួន១០ក្រុមចូលរួមប្រកួតប្រជែង ខណៈរូបមន្តប្រកួតតម្រូវឱ្យក្រុមជាសមាជិកប្រកួតវិលជុំចំនួន៣ជើង ហើយក្រុមដែលមានពិន្ទុខ្ពស់ជាងគេចំនួន៤ក្រុម មានឈ្មោះទៅប្រកួត Top4 បន្តយកជើងឯកប្រចាំរដូវកាល៕
