ភ្នំពេញ ៖ បុរសចំណាស់ជនជាតិចិនម្នាក់ ផឹកស្រាស្រវឹង ខឹងឈ្លោះរករឿងប្រពន្ធក្មេង បែជាលោតហក់ពីលើផ្ទះជាន់ទី១ បណ្តាលឱ្យរងរបួសធ្ងន់ សន្លប់ស្តូកស្តឹង កាលពីវេលាម៉ោង១២និង៤០នាទីរំលងអធ្រាត្រ ចូលថ្ងៃទី២៩ ខែមិថុនា ឆ្នាំ២០២៤ នៅផ្ទះលេខ៣០ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ ។
![](https://cdn.troryorng.com/wp-content/uploads/2024/06/29111303/1000005438.jpg)
បើតាមពលរដ្ឋក្បែរខាងគ្រាន់តែឱ្យដឹងថា មុនកើតហេតុ បុរសរងគ្រោះជាជនជាតិចិន ផឹកស្រាស្រវឹង ហើយខឹងឈ្លោះរករឿងប្រពន្ធវ័យក្មេង សនរាប់តែមួយសន្ទុះក្រោយមក បែជាឡើងលោតហក់ចុះពីលើផ្ទះជាន់ទី១ បណ្តាលឱ្យរងរបួសធ្ងន់ សន្លប់ស្តូកស្តឹង បង្កឱ្យភ្ញាក់ផ្អើល ។
![](https://cdn.troryorng.com/wp-content/uploads/2024/06/29111310/1000005437-1024x569.jpg)
ក្រោយកើតហេតុភ្លាមៗ បានហៅរថយន្តសង្គ្រោះរបស់មន្ទីរពេទ្យបង្អែកច្បារអំពៅ ដឹកបញ្ជូនទៅសង្គ្រោះនៅមន្ទីរពេទ្យរុស្សុី ៕
![](https://cdn.troryorng.com/wp-content/uploads/2024/06/29111318/1000005435-1024x550.jpg)
អត្ថបទ÷តាតុងសែនជ័យ
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)