ក្រុមបាល់ទាត់ Young Elephants FC ម្ចាស់ជើងឯកលីគកំពូលរបស់ប្រទេសឡាវ នឹងធ្វើដំណើរមកដល់រាជធានីភ្នំពេញ នៅថ្ងៃចន្ទ ទី២២ ខែកក្កដា ឆ្នាំ២០២៤ វេលាម៉ោង ១:០០រសៀល។
ដើម្បីចូលរួមវគ្គជម្រុះ Asean Club Championship Shopee Cup 2024/25 ជើងទី២ ទល់នឹងព្រះខ័នរាជស្វាយរៀង ថ្ងៃទី២៤ ខែកក្កដា ខាងមុន នៅពហុកីឡដ្ឋានជាតិ វេលាម៉ោង ៧:០០យប់។
សម្រាប់ពេលលទ្ធផលការពីជើងទី១ ក្រុមបាល់ទាត់ព្រះខ័នរាជស្វាយរៀង តំណាងកម្ពុជា បានយកឈ្នះ Young Elephants ក្នុងលទ្ធផល ៣-២។
ក្រុមដែលនៅចាំក្នុងវគ្គចែកពូលមាន៖
*ពូល A មាន៖
- BG Pathum United (ថៃ)
- Terengganu (ម៉ាឡេស៊ី)
- PSM Makassar (ឥណ្ឌូណេស៊ី)
- Dong A Thanh Hoa (វៀតណាម)
- ក្រុមឈ្នះវគ្គជម្រុះគូទី១ អាចជាYoung Elephants FC (ឡាវ) ឬ ព្រះខ័នរាជស្វាយរៀង (កម្ពុជា)
- ក្រុមឈ្នះវគ្គជម្រុះគូទី២ អាចជាKasuka (ប្រ៊ុយណេ) ប៉ះ Shan United (មីយ៉ាន់ម៉ា)
*ពូល B មាន៖
- Buriram United (ថៃ)
- Kuala Lumpur City (ម៉ាឡេស៊ី)
- Cong An Ha Noi (វៀតណាម)
- Borneo (ឥណ្ឌូណេស៊ី)
- Kaya FC—Iloilo (ហ្វីលីពីន)
- Lion City Sailors (សិង្ហបុរី)
ពានរង្វាន់ជើងឯកតំបន់អាស៊ាន នេះធ្លាប់រៀបចំឡើង២លើកមក ដោយក្នុងឆ្នាំ២០០៣ ជើងឯកបានទៅក្រុម East Bengal របស់ឥណ្ឌា ក្រោយយកឈ្នះក្រុម BEC Tero Sasana របស់ថៃ នៅវគ្គផ្ដាច់ព្រ័ត្រ ក្នុងទីក្រុងហ្សាកាតា ប្រទេសឥណ្ឌូណេស៊ី ហើយឆ្នាំ២០០៥ ជើងឯកបានទៅក្រុម Tampines Rovers របស់សិង្ហបុរី ក្រោយយកឈ្នះលើក្រុម Pahang FA របស់ម៉ាឡេស៊ី ដោយលទ្ធផល ៤-២ នៅទីក្រុងបានដារសេរីបេហ្គាវ៉ាន់ ប្រទេសប្រ៊ុយណេ។
ចំណែកក្រុមតំណាងអោយកម្ពុជា ចូលរួមក្នុងពានរង្វាន់នេះគឺ នៅឆ្នាំ២០០៣ ក្រុម Samart United (បច្ចុប្បន្នភ្នំពេញក្រោន) ហើយនៅឆ្នាំ២០០៥ ចូលរួមដោយក្រុមណាហ្គាខប (បច្ចុប្បន្ន ណាហ្គាវើល)៕
