ក្នុងដំណើរនៃការប្រកួតហ្វឹកហាត់ Pre-Season នៅប្រទេសថៃ របស់ក្លិបបាល់ទាត់បឹងកេត តាមការគ្រោងទុកគឺមានចំនួន ៣ប្រកួតមានរយ:ពេល៥ថ្ងៃ បានបញ្ចប់រួចរាល់ ដែលទទួលបានលទ្ធផលឈ្នះ១ និងចាញ់២។
ខាងក្រោមនេះគឺជាលទ្ធផល៣ប្រកួតរបស់បឹងកេត Pre-Season នៅប្រទេសថៃ៖
- បឹងកេត ៤-០ NAVY FC
- បឹងកេត ២-១ RAYONG FC
- បឹងកេត ២-១ AYUTTHAYA UNITED។
ចំពោះទីផ្សារដោះដូរកីឡាកររបស់ បឹងកេត ក្រោមការដឹកនាំរបស់លោក ហុង ផេង នៅលីគកំពូលកម្ពុជា រួមមានដូចជា៖
- នាំចូលកីឡាករ YUTO HIKIDA ជនជាតិជប៉ុន
- នាំចូលកីឡាករ Iago Bento ជនជាតិប្រេស៊ីល
- បន្តកិច្ចសន្យាថ្មីជាមួយកីឡាករ Yusuke Tachibana ជនជាតិជប៉ុន
- បន្តកិច្ចសន្យាថ្មីជាមួយកីឡាករ Stefan Golubović ជនជាតិស៊ែប៊ី
- បន្តកិច្ចសន្យាថ្មីជាមួយកីឡាករ Ryohei Yoshihama ជនជាតិជប៉ុន
- បន្តដាក់កីឡាករ ឃាន់ សុបិន ឲ្យគិរីវង់សុខសែនជ័យ ខ្ចីជើង
- ចែកផ្លូវជាមួយកីឡាករ LEMARIE ANTOINE ជនជាតិបារាំង
- ចែកផ្លូវជាមួយកីឡាករ TAKAHASHI MAHIRO ជនជាតិជប៉ុន
- ចែកផ្លូវជាមួយកីឡាករ ស៊ុំ សាន់
- ចែកផ្លូវជាមួយកីឡាករ ដារ៉ុងរិទ្ធ ពិសិដ្ឋឆព័ណ្ណ
- ចែកផ្លូវជាមួយកីឡាករ ពុំ បារាំង
- ចែកផ្លូវជាមួយកីឡាករ ទិត ឌីណា។
ការប្រកួតជម្រើសជើងឯកលីគកំពូលកម្ពុជា Cambodian Premier League រដូវកាល ២០២៤-២៥ នឹងចាប់ផ្តើមពីថ្ងៃទី១០ ខែសីហា ឆ្នាំ២០២៤ រហូតដល់ថ្ងៃទី១១ ខែឧសភា ឆ្នាំ២០២៥។
សម្រាប់រដូវកាលថ្មីនេះ សមាសភាពក្លិបចំនួន២ ដែលត្រូវបានដំឡើងពីលីគ២ ទៅកាន់លីគកំពូលកម្ពុជា សម្រាប់រដូវកាល ២០២៤-២៥ គឺសមាគមកីឡាបាល់ទាត់ក្រសួងមហាផ្ទៃ និងក្លិបបាល់ទាត់ ឡាយហ្វ ខេត្តព្រះសីហនុ។
ដូច្នេះសមាសភាពក្លិបនៅលីគកំពូលកម្ពុជា កើនដល់១១ក្រុមរួមមានដូចជា៖ វិសាខា, ព្រះខ័នរាជស្វាយរៀង, ភ្នំពេញក្រោន, ណាហ្គាវើលដ៍, ក្រសួងមហាផ្ទៃ, Tiffy Army, Life FC, គិរីវង់សុខសែនជ័យ, ISI ដង្កោសែនជ័យ, បឹងកេត, អង្គរថាយហ្គឺរ៕
