សេចក្ដីប្រកាសផ្លូវការបានចេញហើយ ម្ចាស់ផ្ទះរៀបចំការប្រកួតកម្មវិធី Miss Grand International 2024 បានប្ដូរមកធ្វើនៅក្នុងព្រះរាជាណាចក្រកម្ពុជា និងព្រះរាជាណាចក្រថៃ ក្រោយដំបូងឡើយប្រទេសមីយ៉ាន់ម៉ាទទួលបានសិទ្ធិធ្វើជាម្ចាស់ផ្ទះ។
សេចក្ដីប្រកាសនេះត្រូវបានផេកផ្លូវការនៃកម្មវិធី Miss Grand International បានបង្ហោះនៅវេលាព្រឹកថ្ងៃទី៣០ ខែកក្កដា ឆ្នាំ២០២៤ នេះ ដោយនៅក្នុងសេចក្ដីប្រកាសជាភាសាអង់គ្លេសនោះមានសេចក្ដីដូចតទៅ៖ «ការរង់ចាំបានមកដល់ហើយ ចូលរួមជាសាក្សីនៃកម្មវិធីប្រកួតសម្រស់ដ៏អស្ចារ្យជាប្រវត្តិសាស្ត្រ ដោយមានប្រទេសចំនួនពីរចាប់ដៃគ្នាធ្វើជាម្ចាស់ផ្ទះរៀបចំកម្មវិធី Miss Grand International 2024។ ត្រៀមខ្លួនរួចជាស្រេចទទួលបានបទពិសោធន៍ដ៏អស្ចារ្យនារាត្រីគ្រងមកុដ នៅថ្ងៃទី២៥ ខែតុលា ឆ្នាំ ២០២៤ ខាងមុខនេះ។
នេះគឺជាប្រវត្តិសាស្ត្រថ្មីមួយទៀតហើយ សម្រាប់កម្ពុជាក្នុងការទទួលរៀបចំធ្វើជាម្ចាស់ផ្ទះកម្មវិធីប្រកួតសម្រស់កម្រិតអន្តរជាតិ ដោយកន្លងមកប្រទេសកម្ពុជាធ្លាប់ជា Host Country សម្រាប់កម្មវិធីប្រកួតសម្រស់លក្ខណៈអន្តរជាតិច្រើនផងដែរដូចជា Miss Universal Women, Miss Planet International និង Miss Tourism Metropolitan International 2019។ ដោយឡែក កាលពីឆ្នាំ២០២៣ កម្ពុជាក៏ធ្លាប់ចាប់ដៃជាមួយប្រទេសវៀតណាម Co-host កម្មវិធី Miss Global Interntional និងចុងក្រោយចាប់ដៃជាមួយនឹងប្រទេសថៃ Co-host កម្មវិធី Miss Grand International 2024៕
