ក្លឹបបាល់ទាត់ឡាយហ្វ នៅព្រឹកថ្ងៃទី១៨ តុលានេះ បានប្រកាសតែងតាំងលោកគ្រូបង្គោល JÖRG PETER STEINEBRUNNER ជាគ្រូបង្គោលថ្មី ដែលធ្លាប់មានបទពិសោធន៍ច្រើននៅតំបន់អាស៊ី និងជាអ្នកវិភាគកម្មវិធីទូរទស្សន៍អាស៊ីសម្រាប់ការប្រកួត World Cup និង Euro Championship។
លោកលោក Jörg Peter Steinebrunner មានសញ្ជាតិ អាល្លឺម៉ង់ មានអាយុ៥២ឆ្នាំ លោកគ្រូបង្គោល Jörg លោកនាំមកនូវបទពិសោធន៍ និងជំនាញដ៏សម្បូរបែប ព្រមទាំងកាន់សញ្ញាប័ត្រ AFC Pro Diploma ។
បទពិសោធន៍របស់លោករួមមាន៖
- គ្រូបង្វឹកនៅ Malaysia Premier League & Super League
- គ្រូបង្វឹកនៅលីគកំពូលសិង្ហបុរី
- គ្រូបង្វឹកនៅលីគកំពូលឥណ្ឌូនេស៊ី
- គ្រូបង្វឹកនៅប្រទេសថៃ លីគទី 2
- ជាសាស្ត្រាចារ្យសម្រាប់សមាគមបាល់ទាត់ប្រទេសថៃ និងកូរ៉េ
- អ្នកវិភាគកម្មវិធីទូរទស្សន៍អាស៊ីសម្រាប់ការប្រកួត World Cup និង Euro Championship
គួរបញ្ជាក់ថា ក្លឹបបាល់ទាត់ឡាយហ្វ បានប្រកាសព្រមព្រៀងបញ្ចប់កិច្ចសន្យា ជាមួយ លោកគ្រូបង្គោល ប្រាក់ សុវណ្ណារ៉ា កាលពីថ្ងៃទី១០ ខែតុលា ឆ្នាំ២០២៤ បន្ទាប់ពីដឹងនាំក្លិបប្រកួតនៅលីគកំពូលកម្ពុជា បានត្រឹម ៧ប្រកួតប៉ុណ្ណោះនិងមិនដែលឈ្នះសោះ ស្មើ២ ចាញ់ ៥ ឈរនៅចំណាត់ថ្នាក់លេខ៩ មាន ២ពិន្ទុ៕
