ថ្លែងប្រាប់អ្នកសារព័ត៌មានក្រោយចប់ពិធីចាប់ពូលនៃការប្រកួតកីឡាបាល់ទះដណ្ដើពានរង្វាន់សម្ដេចក្រឡាហោម ស ខេង ឆ្នាំ២០២៤ កាលពីថ្ងៃទី២៨ វិច្ឆិកា លោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជា បានលើកឡើង៖ ដោយសារឆ្នាំ២០២៥ ជាឆ្នាំដ៏សំខាន់ ដែលមានពានរង្វាន់២ធំៗ ដូចជា Sea V.League និងស៊ីហ្គេម នៅប្រទេសថៃ ក្នុងនោះដែលសម្រាប់ពាននៅតៃវ៉ាន់ ក៏នឹងត្រូវចូលរួមដូចគ្នា។
លោកបណ្ឌិត បានបន្ថែមថា នៅឆ្នាំ២០២៥ កម្ពុជា នឹងរៀបចំពានរង្វាន់បាល់ទះអន្តរជាតិមួយមាន ភ្ញៀវ បារាំង អូស្ត្រាលី ជប៉ុន ថៃ និងម៉ាឡេស៊ី ដើម្បីអោយអត្តពលិកជម្រើសជាតិកម្ពុជា តេស្តសម្ថភាព ក៏ដូចជាដល់ស្រងបច្ចេកទេស ត្រៀមចូលរួមនៅក្នុងព្រឹត្តិការណ៍ស៊ីហ្គេម ចុងឆ្នាំ២០២៥ នៅប្រទេសថៃ។
ទស្សនាកិច្ចសម្ភាសន៍ របស់លោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជា៖
សម្រាប់ការកាលបរិច្ឆេទប្រកួតពានរង្វាន់នេះ ត្រូវបានកំណត់ចាប់ពីពីថ្ងៃទី១០ ដល់ ថ្ងៃទី២២ ខែធ្នូ ឆ្នាំ២០២៤ ដើម្បីរកឃើញជើងឯក ដែលប្រព្រឹត្តិទៅនៅទីលានកីឡាបាល់ទះក្នុងវិមាន នៃពហុកីឡដ្ឋានជាតិ ការប្រកួតនេះ នឹងធ្វើការផ្សាយផ្ទាល់ដោយ សារព័ត៌មានត្រយង។
ជុំវិញចំណុចសំខាន់ៗនៃពានរង្វាន់សម្ដេចក្រឡាហោម ស ខេង រដូវកាលទី៣ ឆ្នាំ២០២៤ មានដូចជា៖
– ក្រុមចូលរួម ៣១សមាគម-ក្លឹបមកពីបណ្ដាលរាជធានី-ខេត្ត
– អាចចុះឈ្មោះកីឡាករដែលមានគុណផលខ្ពស់ (លំដាប់ Grade A) បាន២នាក់
– អាចដាក់កីឡាករបរទេសលេងនៅលើទីលាន បាន១នាក់
– ក្រុមឈ្នះជើងឯកមានឈ្មោះឡើងទៅលេងពានរង្វាន់ «តេជោលីគ»។
តើក្រុមណានឹងក្លាយជាពានរង្វាន់សម្ដេចក្រឡាហោម ស ខេង រដូវកាលទី៣ ឆ្នាំ២០២៤នេះ
រំលឹកផងដែរម្ចាស់ជើងឯកកន្លងមក ៖
- រដូរកាលទី១ ឆ្នាំ២០២២ សមាគមកីឡាបាល់ទះវិសាខា B
- រដូលកាលទី២ ឆ្នាំ២០២៣ សមគមកីឡាបាល់ទះក្រសួងមហាផ្ទៃ B
គួរបញ្ជាក់ថា ព្រឹត្តិការប្រកួតពានរង្វាន់កីឡាបាល់ទះសម្តេចក្រឡាហោម ឆ្នាំ២០២៣ ម្ចាស់ជ័យលាភីបានទៅក្រុមក្រសួងមហាផ្ទៃ (ខ) ក្រោយយកឈ្នះលើក្រុមរដ្ឋបាលរាជធានីភ្នំពេញ នៅវគ្គផ្ដាច់ព្រ័ត្រដោយលទ្ធផលដោយលទ្ធផល ៣សិតទល់១សិត (១៦-២៥,២៥-២៣,២៥-២០,២៥-២០) លើទីលានវិមានពហុកីឡដ្ឋានជាតិរាជធានីភ្នំពេញ នារាត្រីថ្ងៃអាទិត្យ ទី១៩ ខែវិច្ឆិកា ឆ្នាំ២០២៣៕
