ក្លិបបញ្ជាការដ្ឋានអង្គរក្ស បានក្លាយជាម្ចាស់ជើងឯក ជាលើកទី២ នៃព្រឹត្តិការណ៍ប្រកួតកីឡាបាល់ទះពានរង្វាន់ «តេជោលីគ» (Techo Volleyball Cambodia League) ក្រោយយកឈ្នះសមាគមបាល់ទះវិសាខា ក្នុងលទ្ធផល ៣-០ (២៥-២០, ២៥-២០, ២៥-១៨) នៅវគ្គផ្ដាច់ព្រ័ត្រ នារាត្រីថ្ងៃទី២៣ កុម្ភ: ២០២៥ ក្នុងសាលវិមាននៃពហុកីឡដ្ឋានជាតិ (ស្តាតអូឡាំពិក)។
ក្រោយបិទបញ្ជប់ លោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជា បានមានប្រសាសន៍ថា លើសបីសប្បាយចិត្ត សម្រាប់តេជោលីគរដូវកាលទី២នេះ ដោយចាប់ផ្ដើមពីដំណើរការព្រឹត្តិការណ៍ សប្ដាហ៍ទី១ រហូតដល់ Final បងប្អូនជនរួមជាតិមកទស្សនាគ្រប់សប្ដាហ៍ ខ្ញុំសរសើរទឹកចិត្តអ្នកគាំទ្រដែលចូលរួមទូស្សនាផ្ទាល់នៅវគ្គផ្តាច់ព្រ័ត្រ កើនឡើងច្រើន៖
