ក្រុមបាល់ទាត់យុវជនអាយុក្រោម ១៧ឆ្នាំ ថៃ បានធ្លាក់ចេញពី ការប្រកួតពានរង្វាន់យុវជនកម្រិតទ្វីប AFC U17 Asian Cup 2025 មុនគេក្រោយចាញ់ ២ប្រកួតជាប់គ្នា ដោយប្រកួតទី១ ចាញ់ អ៊ូសបេគីស្ថាន ៤-១ ប្រកួត ទី២ ចាញ់ អារ៉ាប៊ីសាអូឌីត ៣-១។
តារាងពិន្ទុ ក្នុងពូល A របស់ U17 ថៃ៖
១. អ៊ូសបេគីស្ថាន ២ប្រកួត ឈ្នះ២ មាន ៦ពិន្ទុ
២. អារ៉ាប៊ីសាអូឌីត ២ប្រកួត ឈ្នះ២ មាន ៦ពិន្ទុ
៣. ចិន ២ប្រកួត ចាញ់ មាន ០ពិន្ទុ
៤. ថៃ ២ប្រកួត ចាញ់ មាន ០ពិន្ទុ
ក្រុមមបាល់ទាត់យុវជនពីតំបន់អាស៊ានចំនួន ៣ មាន ថៃ វៀតណាម និងឥណ្ឌូណេស៊ី បានឡើងមកកាន់ ជុំចុងក្រោយ ក្នុងការប្រកួតពានរង្វាន់យុវជនកម្រិតទ្វីប AFC U17 Asian Cup 2025។ ក្នុងនៅសល់ឥណ្ឌូណេស៊ី និងវៀតណាម ដែលនឹងធ្វើការប្រកួតទី២ របស់ខ្លួន ដោយ វៀតណាម ត្រូវជួប ជប៉ុន ខណ: ឥណ្ឌូណេស៊ី ត្រូវជួប យេមែន នៅថ្ងៃនេះ។
រំលឹកថា ក្រោយឆ្លងផុតវគ្គជម្រុះ ក្រុមពីតំបន់អាស៊ាន ៣បានឡើងមកកាន់វគ្គនេះក្នុងនោះក៏មានថៃ វៀតណាម និងឥណ្ឌូណេស៊ី ដែលជាសមាជិកអាស៊ានចូលរួមប្រកួតប្រជែងផងដែរ។ ខណ:ការប្រកួត បានធ្វើឡើងនៅប្រទេសអារ៉ាប៊ីសាអូឌីត ចាប់ពីថ្ងៃទី៣ ដល់ថ្ងៃទី២០ ខែមេសា ឆ្នាំ២០២៥ ដោយមាន ១៦ក្រុមចូលរួម។
សម្រាប់ពានរង្វាន់យុវជនកម្រិតទ្វីប AFC U17 Asian Cup បង្កើតឡើងដំបូងនៅឆ្នាំ១៩៨៥ ពោលគឺមានអាយុកាលជាង ៣៩ឆ្នាំហើយ ខណៈក្រុមយុវជនជប៉ុន ឈ្នះជើងឯងច្រើនជាងគេសរុប៤លើក កូរ៉េខាងត្បូង, កូរ៉េខាងជើង, ចិន, អារ៉ាប់ប៊ីសាអូឌីត, អូម៉ង់, បានចំនួន២លើក រីឯក្រុមជម្រើសជាតិកាតា, អ៊ីរ៉ុង, អ៊ូសបេគីស្ថាន, ថៃ និងអ៊ីរ៉ាក់ ឈ្នះ១លើកដូចគ្នា៕
