ក្រុមទាំង១០ដែលជាម្ចាស់ជើងឯក និងជើងឯករង នៃពានរង្វាន់ប្រកួតកីឡាបាល់ទះជើងឯក 4×4 ទូទាំងប្រទេស Wurkz Special Volleyball Cup 4×4 រដូវកាលទី២ ទាំង ៥មណ្ឌល នឹងត្រូវធ្វើដំណើរមកកាន់រាជធានីភ្នពេញ ដើម្បីធ្វើការប្រកួតប្រជែងជាថ្មី ជាមួយក្រុមខ្លាំងទាំង ៦ ដែលកំពុងឈរចាំនៅមណ្ឌលភ្នំពេញ។
ក្នុងនោះសម្រាប់ការប្រកួតប្រកួតជើងឯក 4×4 ទូទាំងប្រទេស Wurkz Special Volleyball Cup 4×4 រដូវកាលទី២ នៅមណ្ឌចុងក្រោយរាជធានីភ្នំពេញ មាន១៦ក្រុមចូលរួម ដោយ១០ក្រុមមកពីតាមភូមិភាគទាំង៥ និង ៦ក្រុម នៅតេជោលីគ។ ខណ:ការប្រកួតមានរយ:ពេល ៧ថ្ងៃ គ្រោងនឹងចាប់ផ្ដើមនៅថ្ងៃទី២១ ខែមេសា និងរកឃើញម្ចាស់ជើងឯក នៅថ្ងៃទី២៧ ខែមេសា ឆ្នាំ២០២៥។
ដោយឡែកឆ្លងកាត់ការប្រកួត ៥មណ្ឌលរួចរាល់ ព្រឹត្តិការណ៍ប្រកួតកីឡាបាល់ទះជើងឯក 4×4 ទូទាំងប្រទេស Wurkz Special Volleyball Cup 4×4 រដូវកាលទី២ បានរកឃើញម្ចាស់ជើងឯករួចរាល់រួមមាន៖
**មណ្ឌលពោធិ៍សាត់
- ម្ចាស់ជើងឯក៖ ស្នងការដ្ឋាននគរបាលខេត្តបាត់ដំបង
- ជើងឯករង៖ ក្លិបបាល់ទះជីកសិករណាណូ
**មណ្ឌលសៀមរាប
- ម្ចាស់ជើង៖ ស្នងការដ្ឋាននគរបាលខេត្តសៀមរាប
- ជើងឯករង៖ ក្លិបបាល់ទះសូត្រនិគមក្លិប
**មណ្ឌលកំពង់ចាម
- ម្ចាស់ជើងឯក៖ ក្លិបបាល់ទះសីហាសាមគ្គី
- ជើងឯករង៖ ស្នងការដ្ឋាននគរបាលខេត្តរតនគិរី
**មណ្ឌលកណ្ដាល
- ម្ចាស់ជើងឯក៖ ក្រុមក្រសួងមហាផ្ទៃ B
- ជើងឯករង៖ ស្នងការដ្ឋាននគរបាលរាជធានីភ្នំពេញB
**មណ្ឌលខេត្តកែប
- ម្ចាស់ជើងឯក៖ ក្លិបកីឡាបាល់ទះខេត្តតាកែវ
- ជើងឯករង៖ ស្នងការដ្ឋាននគរបាលខេត្តកោះកុង
ដូចនេះ សម្រាប់ម្ចាស់ជើងឯក និងជើងឯករងទាំង ៥មណ្ឌលនៅតាមភូមិភាគនិមួយៗ នឹងត្រូវធ្វើដំណើរមកកាន់រាជធានីភ្នំពេញ ក្រោយពិធីបុណ្យចូលឆ្នាំថ្មីប្រពៃណីជាតិខ្មែរ ដើម្បីធ្វើការប្រកួតប្រជែងគ្នាជាថ្មី ស្វែងរកក្រុមខ្លាំងនៅមណ្ឌលភ្នំពេញ ជាមួយប្រាក់រង្វាន់យ៉ាងច្រើន។
គួរបញ្ជាក់ថា ព្រឹត្តិការណ៍ប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup រដូវកាលទី១ ឆ្នាំ២០២៤ នៅរាជធានីភ្នំពេញ ក្រុមបាល់ទះវិសាខា បានក្លាយជាម្ចាស់ជើងឯក ក្រោយឈ្នះលើក្រុមក្រសួងមហាផ្ទៃ ដោយលទ្ធផល ៣សិតទល់នឹង១ នៅវគ្គផ្តាច់ព្រ័ត្រ ក្នុងសាលកីឡដ្ឋានជាតិអូឡាំពិក កាលពីរាត្រីថ្ងៃទី២៨ ខែមេសា ឆ្នាំ២០២៤៕
