ក្រោយក្លិបបាល់ទាត់ភ្នំពេញក្រោន របស់កម្ពុជា ឡើងទៅវគ្គចែកពូលនៃពានរង្វាន់បាល់ទាត់ប្រចាំទ្វីបកម្រិតទី៣ AFC Challenge League ឆ្នាំ២០២៥-២៦ បន្ទាប់ពីយកឈ្នះលើក្រុមរបស់ប៊្រុយណេ Kasuka FC ដោយលទ្ធផល ៦-០ ក្នុងវគ្គជម្រុះ Play Off កាលពីរាត្រីថ្ងៃទី១២ ខែសីហា ឆ្នាំ២០២៥ ក្នុងកីឡដ្ឋាន 𝐇𝐚𝐬𝐬𝐚𝐧𝐚𝐥 𝐁𝐨𝐥𝐤𝐢𝐚𝐡 ប្រទេសប៊្រុយណេ។
ពេលនេះក្លិបកម្ពុជា ស្ថិតនៅលេខរៀងទី២២ មាន ២០.១ពិន្ទុ ឈរលើឥណ្ឌូនេស៊ី ឈរលេខ២៥ មាន ១៨.៦ពិន្ទុ និងហ្វីលីពីន ឈរលេខ២៧ មាន ១៦.៧ពិន្ទុ។
បច្ចុប្បន្ន ៨ក្រុមឡើងទៅវគ្គចែកពូល ចែកចេញជា ៤Pot រួមមានដូចជា៖
Pot 1
- Manila Digger FC របស់ហ្វីលីពីន
- Dewa United របស់ឥណ្ឌូណេស៊ី
Pot 2
- ព្រះខ័នរាជស្វាយរៀង របស់កម្ពុជា
- Shan United របស់មីយ៉ាន់ម៉ា
Pot 3
- Tainan City FC របស់តៃវ៉ាន់
- SP Falcons របស់ម៉ុងហ្គោលី
Pot 4
- Ezra FC របស់ឡាវ
- ភ្នំពេញក្រោន របស់កម្ពុជា
គួរបញ្ជាក់ថា សម្រាប់ការចាប់ឆ្នោតវគ្គចែកពូល AFC Challenge League ឆ្នាំ២០២៥-២៦ នឹងធ្វើឡើងនៅថ្ងៃទី២៨ ខែសីហា ឆ្នាំ២០២៥ ខាងមុខនេះ។ ស្របពេលការប្រកួត ចាប់ផ្ដើមនៅថ្ងៃទី២៥ តុលា នៅតំបន់ខាងលិច និងថ្ងៃទី២៦ តុលា នៅតំបន់ខាងកើត ខណ:វគ្គផ្ដាច់ព្រ័ត្រ នឹងធ្វើឡើងនៅថ្ងៃទី៩ ខែឧសភា ឆ្នាំ២០២៦៕
