ក្រុមជម្រើសជាតិហ្វូតសាលកម្ពុជា នឹងត្រូវជួបក្រុមខ្លាំងជប៉ុន បើកឆាក នៅថ្ងៃទី២០ កញ្ញានេះ វេលាម៉ោង ៥ល្ងាច ក្នុងវគ្គជម្រុះពានរង្វាន់ AFC Futsal Asian Cup 2026 Qualifiers ទៅប្រទេសតាជីគីស្ថាន។
កម្មវិធីប្រកួត របស់ក្រុមជម្រើសជាតិហ្វូតសាលកម្ពុជា៖
វគ្គជម្រុះពានរង្វាន់ AFC Futsal Asian Cup 2026 Qualifiers មាន ៣១ប្រទេសចូលរួម មាន ៨ពូល ដោយក្រុមជម្រើសជាតិហ្វូតសាលកម្ពុជា ស្ថិតនៅពូល C ជាមួយ ជប៉ុន តាជីគីស្ថាន និងម៉ាកាវ។ ខណ:ប្រកួត នឹងប្រព្រឹត្តទៅចាប់ពីថ្ងៃទី២០ ដល់ថ្ងៃទី២៤ ខែកញ្ញា ឆ្នាំ២០២៥។
ការប្រកួតវគ្គជម្រុះ នឹងស្វែងរកក្រុមខ្លាំងក្នុងពូលនិមួយៗ ទាំង ៨ពូល ឡើងទៅកាន់ជុំផ្ដាច់ព្រ័ត ដែលក្រោងនឹងធ្វ់ឡើងនៅទឹកដីប្រទេសឥណ្ឌូណេស៊ី ចាប់ពីថ្ងៃទី២៧ ខែមករា រហូតដល់ថ្ងៃទី៧ ខែកុម្ភ: ឆ្នាំ២០២៦។
គួរបញ្ជាក់ថា ពានរង្វាន់ AFC Futsal Asian Cup បង្កើតឡើងដំបូងនៅឆ្នាំ១៩៩៩ ធ្វើឡើងជារៀងរាល់ឆ្នាំ ខណ:ក្រុមដែលបានឈ្នះជើងឯកច្រើនជាងគេ គឺ អ៊ីរ៉ង់ ចំនួន ១៣លើក (១៩៩៩, ២០០០, ២០០១*, ២០០២, ២០០៣*, ២០០៤, ២០០៥, ២០០៧, ២០០៨, ២០១០, ២០១៦, ២០១៨, ២០២៤) ស្របពេលជប៉ុន ឈ្នះ ៤លើក (២០០៦, ២០១២, ១០១៤, ២០២២)៕
