គ្រប់គ្នាកំពុងរស់នៅក្នុងយុគសម័យបច្ចេកវិទ្យា មុនមានទូរសព្ទ ទូទឹកកក ទូរទស្សន៍ រថយន្ត និងរបសបច្ចេកវិទ្យាទំនើបៗ ប្រើប្រាស់សព្វថ្ងៃនេះ តើអ្នកមានដឹង អត់ថា ក្រុមហ៊ុនបច្ចេកវិទ្យាទាំងនោះមានអាយុកាលប៉ុន្មានហើយ។
ថ្ងៃនេះមកស្គាល់ក្រុមហ៊ុនបច្ចេកវិទ្យា ទាំង ដែលបានបម្រើដល់ការប្រើប្រាស់របស់មនុស្ស ក្នុងវស័យបច្ចេកវិទ្យា ដែលមានអាយកាលលើស ១០០ឆ្នាំមកហើយ។
១. ក្រុមហ៊ុន Nokia របស់ហ្វាំងឡើង មានអាយុ ១៦០ឆ្នាំ
Nokia Corporation គឺជាក្រុមហ៊ុនទូរគមនាមន៍ ដ៏ល្បីល្បាញមួយរបស់ប្រទេសហ្វាំងឡង់ និងត្រូវបានគេស្គាល់ថាជាប្រ៊ែនទូរស័ព្ទល្បីជាងគេជុំវិញពិភពលោកនៅអំឡុងឆ្នាំ២០០០។ ជោគជ័យរបស់ក្រុមហ៊ុន Nokia នៅចុងទសវត្សរ៍ឆ្នាំ១៩៩០ និងដើមទសវត្សរ៍ឆ្នាំ២០០០ គឺជាយុគសម័យដែលក្រុមហ៊ុននេះ បានក្លាយជាក្រុមហ៊ុនផលិតទូរស័ព្ទចល័តឈានមុខគេនៅលើពិភពលោក។
២. ក្រុមហ៊ុន Toshiba របស់ប្រទេសជប៉ុន មានអាយុកាល ១៥០ឆ្នាំ
Toshiba Corporation គឺជាក្រុមហ៊ុនសាជីវកម្មពហុ ជាតិសាសន៍របស់ជប៉ុន ដែលមានទីស្នាក់ការនៅទីក្រុងតូក្យូ ប្រទេសជប៉ុន បង្កើតឡើងដោយច្របាច់ក្រុមហ៊ុនពីរបញ្ចូលគ្នា រវាង Tanak Seisakusho និង Hakunetsusha បង្កើរឡើងនៅឆ្នាំ១៩៣៩។ ក្រុមហ៊ុននេះផ្ដោតសំខាន់លើ ហេដ្ឋារចនាសម្ព័ន្ធ ផលិតផលប្រើប្រាស់ គ្រឿងបរិក្ខារអេឡិចត្រូនិក រួមមានទូរទស្សន៍ កុំព្យូទ័រយួរដៃជាដើម។ ឧបករណ៍ចម្លងកម្ដៅ (Semiconductors) ដែលផលិតដោយ Toshiba គឺស្ថិត នៅក្នុងផលិតផលកំពូលទាំង ២០ របស់ពិភពលោក។
៣. ក្រុមហ៊ុន Nintendo របស់ប្រទេសជប៉ុន មានអាយុកាល ១៣៥ឆ្នាំ
ក្រុមហ៊ុន នីនថេនដូ Nintendo របស់ជប៉ុននេះ គឺជាក្រុមហ៊ុនវីដេអូហ្គេមពហុជាតិរបស់ជប៉ុន មានទីស្នាក់ការកណ្តាលនៅទីក្រុងក្យូតុ ប្រទេសជប៉ុន ក្រុមហ៊ុននេះមានការអភិវឌ្ឍវីដេអូហ្គេម និងកុងសូលវីដេអូហ្គេម។ បង្កើតនៅឆ្នាំ១៨៨៩ ដោយលោកហ្វូសាជីរ៉ូ យ៉ាម៉ាអ៊ូជី បន្ទាប់ពីបានចូលទៅក្នុងមុខជំនួញផ្សេងៗក្នុងអំឡុងទសវត្សរ៍ឆ្នាំ ១៩៦០។ ក្រុមហ៊ុននីនថេនដូចែកចាយកុងសូលដំបូង Color TV-Game ក្នុងឆ្នាំ១៩៧៧ ក្រុមហ៊ុននេះទទួលបានការទទួលស្គាល់ជាអន្តរជាតិជាមួយនឹងការចេញផ្សាយគឺហ្គេម ដុងគីកុង (Donkey kong) ក្នុងឆ្នាំ១៩៨១ និងហ្វេមីកុំ និងហ្គេម ស៊ូភ័រម៉ារីអូប្រាថឺរ (Super Mario Bros.) ក្នុងឆ្នាំ១៩៨៥។
៤. ក្រុមហ៊ុន Harley-Davidson របស់អាមេរិក មានអាយុកាល ១២២ឆ្នាំ
ក្រុមហ៊ុន ហាលី-ដេវីដសិន-Harley-Davidson ត្រូវបានបង្កើតឡើងនៅឆ្នាំ ១៩០៣ ដោយមិត្តភក្តិវ័យក្មេងពីរនាក់គឺលោក William S. Harley និងបងប្អូនត្រកូល Davidson ទាំងបីនាក់គឺ Arthur Davidson, Walter Davidson Sr. និង William A. Davidson នៅទីក្រុង Milwaukee រដ្ឋ Wisconsin សហរដ្ឋអាមេរិក។ ដំបូងឡើយ ពួកគេបានបង្កើតម៉ូតូដើរដោយថាមពលម៉ាស៊ីនតូចមួយនៅខាងក្រោយផ្ទះរបស់ពួកគេ ហើយបានលក់ម៉ូតូនោះទៅឲ្យមិត្តភក្តិ។ នៅឆ្នាំដំបូងនោះ ពួកគេបានផលិតបានតែបីគ្រឿងប៉ុណ្ណោះ។
កំណើន និងការចូលរួមក្នុងសង្គ្រាម។
៥. ក្រុមហ៊ុន Hitachi របស់ប្រទេសជប៉ុន មានអាយុកាល ១១៥ឆ្នាំ
ក្រុមហ៊ុន Hitachi ត្រូវបានបង្កើតឡើងនៅឆ្នាំ ១៩១០ ដោយវិស្វករជនជាតិជប៉ុនម្នាក់ឈ្មោះ Namihei Odaira នៅទីក្រុង Hitachi ប្រទេសជប៉ុន។ ដំបូងឡើយ គាត់បានចាប់ផ្ដើមជាហាងជួសជុលតូចមួយ ដែលជាផ្នែកមួយរបស់ក្រុមហ៊ុនផលិតទង់ដែង Kuhara Mining Company។ លោក Odaira មានចក្ខុវិស័យផលិតគ្រឿងម៉ាស៊ីនដោយខ្លួនឯងដើម្បីកាត់បន្ថយការពឹងផ្អែកលើបច្ចេកវិទ្យាបរទេស។ ផលិតផលដំបូងរបស់ក្រុមហ៊ុនគឺ ម៉ូទ័រអេឡិចត្រិចចំនួន ៥ សេះ ដែលត្រូវបានបង្កើតឡើងដើម្បីប្រើប្រាស់ក្នុងរោងចក្ររ៉ែ។ ម៉ូទ័រនេះត្រូវបានគេចាត់ទុកថាជោគជ័យយ៉ាងខ្លាំង ហើយនេះជាចំណុចចាប់ផ្ដើមនៃការរីកចម្រើនរបស់ Hitachi។
៦. ក្រុមហ៊ុន IBM របស់អាមេរិក មានអាយុកាល ១១៤ឆ្នាំ
ប្រវត្តិរបស់ IBM បានចាប់ផ្ដើមតាំងពីឆ្នាំ ១៩១១ នៅពេលដែលក្រុមហ៊ុនចំនួន ៤ ត្រូវបានច្របាច់បញ្ចូលគ្នាដោយលោក Charles R. Flint ។ ក្រុមហ៊ុនទាំងនោះមានដូចជា៖
- The Tabulating Machine Company
- The International Time Recording Company
- The Computing Scale Company
- The Bundy Manufacturing Company
ក្រុមហ៊ុនថ្មីដែលត្រូវបានបង្កើតឡើងនោះមានឈ្មោះថា Computing-Tabulating-Recording Company (CTR)។ ឆ្នាំ ១៩២៤: លោក Thomas J. Watson, Sr. ដែលជាប្រធានក្រុមហ៊ុន បានប្ដូរឈ្មោះ CTR ទៅជា International Business Machines Corporation (IBM) ដើម្បីឆ្លុះបញ្ចាំងពីគោលដៅរបស់ក្រុមហ៊ុនក្នុងការធ្វើអាជីវកម្មជាលក្ខណៈអន្តរជាតិ។
៧. ក្រុមហ៊ុន Boeing របស់អាមេរិក មានអាយុកាល ១០៩ឆ្នាំ
ក្រុមហ៊ុន Boeing ត្រូវបានបង្កើតឡើងនៅឆ្នាំ ១៩១៦ ដោយលោក William E. Boeing នៅទីក្រុង Seattle រដ្ឋ Washington សហរដ្ឋអាមេរិក។ ដំបូងឡើយ ក្រុមហ៊ុននេះមានឈ្មោះថា Pacific Aero Products Co.។ មួយឆ្នាំក្រោយមក នៅឆ្នាំ ១៩១៧ ក្រុមហ៊ុនបានប្តូរឈ្មោះទៅជា Boeing Airplane Company។ លោក William Boeing មានចំណាប់អារម្មណ៍លើយន្តហោះតាំងពីយូរមកហើយ ហើយយន្តហោះដំបូងដែលលោកផលិតមានឈ្មោះថា Boeing Model 1 (B & W) ដែលជាយន្តហោះសមុទ្រ (seaplane)។
៨. ក្រុមហ៊ុន Panasonic របស់ប្រទេសជប៉ុន មានអាយុកាល ១០៧ឆ្នាំ
ក្រុមហ៊ុននេះត្រូវបានបង្កើតឡើងនៅឆ្នាំ ១៩១៨ ដោយលោក Kōnosuke Matsushita នៅទីក្រុង Osaka ប្រទេសជប៉ុន។ ដំបូងឡើយ ក្រុមហ៊ុននេះមានឈ្មោះថា Matsushita Electric Housewares Manufacturing Works។ នៅពេលនោះ លោក Matsushita មានអាយុត្រឹមតែ ២៣ ឆ្នាំ ហើយបានចាប់ផ្ដើមអាជីវកម្មរបស់គាត់ពីផ្ទះជួលតូចមួយ ដោយមានបុគ្គលិកត្រឹមតែបីនាក់ប៉ុណ្ណោះ រួមទាំងប្រពន្ធរបស់គាត់ និងប្អូនថ្លៃផងដែរ។ ផលិតផលដំបូងរបស់ពួកគេគឺ ដុំឌុយអំពូលភ្លើង (attachment plug) ដែលមានគុណភាពខ្ពស់ជាងផលិតផលដែលមាននៅលើទីផ្សារនៅពេលនោះ៕
