ក្រុមបាល់ទះជម្រើសជាតិប៉ូឡូញ ជួបកាណាដា ខណ:តួកគី ជួបហូឡង់ វគ្គ ១៦ក្រុមចុងក្រោយ នៃពានរង្វាន់បាល់ទះកម្រិតពិភពលោក FIVB Men’s Volleyball World Championship 2025 នៅថ្ងៃទី២០ កញ្ញា ២០២៥នេះ នៅទឹកដីនៃប្រទេសហ្វីលីពីន។
សម្រាប់ក្រុមពីតំបន់អាស៊ីដែលចូលរួមប្រកួតពានរង្វាន់បាល់ទះកម្រិតពិភពលោក ឆ្នាំ២០២៥នេះ រួមមាន៖ ម្ចាស់ផ្ទះហ្វីលីពីន, ជប៉ុន, ចិន កូរ៉េខាងត្បូង សុទ្ធតែធ្លាក់ត្រឹមវគ្គជម្រុះក្នុងពូល ហើយមានតែអ៉ីរ៉ង់ មួយប៉ុណ្ណេះដែលឡើងវគ្គបន្ត។
ក្រុមកក់កៅអីវគ្គ១៦ក្រុមចុងក្រោយរួមមានដូចជា៖ ទុយណេស៊ី, ឆែក, ស៊ែប៊ី, អ៉ីរ៉ង, ប៉ូឡូញ, កាណាដា, តួកគី, ហូឡង់, សហរដ្ឋអាមេរិក, ស្លូវើនី, ប៊ុលហ្គារី, ព័រទុយហ្គាល់, អាហ្សង់ទីន, អ៊ីតាលី, បែលហ្សិក និងហ្វាំងឡង់។
សម្រាប់កម្មវិធីប្រកួតវគ្គ ១៦ក្រុមចុងក្រោយ នឹងត្រូវធ្វើឡើងចាប់ថ្ងៃទី២០ ដល់ ២៣ ខែកញ្ញា វគ្គ ៨ក្រុម ប្រកួតថ្ងៃទី២៤-២៥ ខែកញ្ញា វគ្គពាក់កណ្ដាលផ្ដាច់ព្រ័ត្រ ប្រកួតថ្ងៃទី២៧ ខែកញ្ញា វគ្គចំណាត់ថ្នាក់លេខ៣ និងផ្ដាច់ព្រ័ត្រ ប្រកួតថ្ងៃទី២៨ ខែកញ្ញា ឆ្នាំ២០២៥។
ការប្រកួតពានរង្វាន់បាល់ទះជើងឯកពិភពលោក ឆ្នាំ២០២៥ ដែលហ្វីលីពីន ធ្វើជាម្ចាស់ផ្ទះ គឺជាការប្រកួតលើកទី២១ ដោយក្រុមជម្រើសជាតិបុរសនៃសមាជិកនៃសហព័ន្ធកីឡាបាល់ទះអន្តរជាតិ (FIVB) នៅទូទាំងពិភពលោក ចំនួន ៣២ក្រុម មកពី ៥តំបន់ ចែកចេញជា ៨ពូល។ ការប្រកួតធ្វើឡើង ចាប់ពីថ្ងៃទី១២ រហូតដល់ថ្ងៃទី២៨ ខែកញ្ញា ឆ្នាំ២០២៥ ដើម្បីរកឃើញម្ចាស់ជើងឯក។
សម្រាប់ការប្រកួតពានរង្វាន់បាល់ទះ ផ្នែកនាបុរស់កម្រិតពិភពលោក ឆ្នាំ២០២៥ គឺជាលើកដំបូង ដែលនឹងត្រូវបានរៀបចំឡើងនៅប្រទេសហ្វីលីពីន ដែលគ្រោងនឹងប្រព្រឹត្តិទៅចាប់ពីថ្ងៃទី១២ រហូតដល់ថ្ងៃទី២៨ ខែកញ្ញា ឆ្នាំ២០២៥ខាងមុខ។
គួរបញ្ជាក់ថា ព្រឹត្តិការណ៍ប្រកួតពានរង្វាន់បាល់ទះផ្នែកបុរស់ពិភពលោក 2025 FIVB Volleyball Men’s World Championship ត្រូវបានរៀបចំឡើងដំបូងនៅឆ្នាំ១៩៤៩ ធ្វើឡើងចំនួន ៤ឆ្នាំម្ដង ដោយសហភាពសូវៀត ធ្លាប់ឈ្នះជើងឯកចំនួន ៦លើក អ៊ីតាលី ៤លើក ប្រេស៊ីល និងប៉ូឡូញ ៣លើក ឆេកូស្លូវ៉ាគី ២លើក អាមេរិក និងអាល្លឺម៉ង់ខាងកើត ១លើក៕
