ការប្រកួតពានរង្វាន់សម្តេចតេជោ ហ៊ុន សែន ជើងឯកថ្នាក់ខេត្ត លើកទី១៩ ឆ្នាំ២០២៥-២៦ រកឃើញក្រុម តំណាងរាជធានី-ខេត្ត ឡើងមកកាន់វគ្គ ៨ក្រុមចុងក្រោយហើយ ខណៈសមាជិករបស់ខេត្តត្បូងឃ្មុំ ម្នាក់គឺកីឡាករ សារី តៃម៉ូ គឺជាកីឡាករដែលរកគ្រាប់បាល់បានច្រើនជាងគេ ពោលគឺរូបគេអាចរកបាន ៨គ្រាប់ គិតត្រឹមវគ្គសន្សំពិន្ទុក្នុងពូល។
កីឡាកររកគ្រាប់បាល់ច្រើន គិតត្រឹមវគ្គសន្សំពិន្ទុក្នុងពូល៖
ក្រុមចំនួន៨ ឡើងវគ្គ៨ក្រុមចុងក្រោយ៖
- ទី១) ក្រុមមន្ទីរ អយក ខេត្តកំពត
- ទី២) ក្លិបបាល់ទាត់ភ្នំពេញ ហ្គាឡាក់ស៊ី
- ទី៣) សមាគមនបាល់ទាត់ ខេត្តត្បូងឃ្មុំ
- ទី៤) ក្លិបបាល់តាត់ បាត់ដំបង យូណៃធិត
- ទី៥) ក្លិបបាល់ទាត់ឡាយអ៊ិនឃីង ខេត្តសៀមរាប
- ទី៦) សមាគមនបាល់ទាត់ ខេត្តព្រះសីហនុ
- ទី៧) ក្រុមមន្ទីរ អយក ខេត្តកំពង់ចាម
- ទី៨) ក្រុមមន្ទីរ អយក ខេត្តកំពង់ស្ពឺ
កម្មវិធីប្រកួតវគ្គ៨ក្រុមចុងក្រោយ ទាំងពីរជើង
អត្ថបទពាក់ព័ន្ធ៖ កម្មវិធីប្រកួតទាំង២ជើង វគ្គ៨ក្រុម ពានរង្វាន់ Hun Sen Cup ថ្នាក់ខេត្ត ឆ្នាំ២០២៥-២៦
ពានរង្វាន់សម្តេចអគ្គមហាសេនាបតីតេជោ ហ៊ុន សែន ជើងឯកថ្នាក់ខេត្ត លើកទី១៩ ឆ្នាំ២០២៥-២៦ ចាប់ផ្តើមដំណើរការប្រកួតវគ្គជម្រុះក្នុងពូលចាប់ពីថ្ងៃទី២២ ខែកក្កដា នេះតទៅ ដល់ថ្ងៃទី១៤ ខែធ្នូ ឆ្នាំ២០២៥ ដោយមានក្រុមតំណាងខេត្ត និងរាជធានីចំនួន ១៩ក្រុម បែងចែកជា ៥ពូល ចូលរួមប្រកួត។
ចំពោះរូបមន្តប្រកួតគឺរក្សាដូចរដូវកាលឆ្នាំមុនៗដែរ ដោយតម្រូវឱ្យក្រុមដែលជាសមាជិកទាំង ១៩ក្រុមខេត្ត-រាជាធានី ប្រកួតវិលជុំសន្សំពិន្ទុក្នុងពូលចំនួន២ជើង (Home/Away) យកក្រុមលេខ១ និងលេខ២ ឡើងជុំបន្ត នឹងបន្តប្រកួតទៅវគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្រ។
សូមរឭកថា ពានរង្វាន់សម្តេចតេជោ ហ៊ុន សែន (18th Hun Sen Cup) ជើងឯកថ្នាក់ខេត្ត ឆ្នាំ២០២៤-២៥ កន្លងទៅ បានទៅលើក្រុមមន្ទីរ អយក ខេត្តត្បូងឃ្មុំ ខណៈជើងឯកថ្នាក់ជាតិបានលើក្លិបបាល់ទាត់ភ្នំពេញក្រោន។
ពានរង្វាន់សម្តេចតេជោ ហ៊ុន សែន (18th Hun Sen Cup) ត្រូវបានបង្កើតឡើងតាំងពីឆ្នាំ២០១៧ ដែលធ្វើឡើងជារៀងរាល់ឆ្នាំ ដោយព្រះខ័នរាជស្វាយរៀង ឈ្នះជើងឯកបានច្រើនជាងគេ ៥លើក ក្រសួងការពារជាតិ បាន ៣លើក វិសាខា បាន ៣លើក ភ្នំពេញក្រោន បាន ២លើក ខណ:ណាហ្គាវើលដ៍ ក្រសួងមហាផ្ទៃ បឹងកេត និងខេមរកីឡា ឈ្នះបាន ១លើកដូចគ្នា៕
