ទីបំផុតក្លិបបាល់ទាត់អាយអេសអាយ ដង្កោសែនជ័យ អាចរកបានជ័យជម្នះលើកដំបូងរបស់ខ្លួនបានហើយ ក្រោយយកឈ្នះលើក្រុមកងយោធពលខេមរភូមិន្ទ ដោយលទ្ធផល ៣-១ នៃពានរង្វាន់លីគកំពូលកម្ពុជា រដូវកាលឆ្នាំ២០២៥-២៦ នៅសប្តាហ៍ទី១០ កាលពីថ្ងៃទី២ ខែវិច្ឆិកា ឆ្នាំ២០២៥ កន្លងទៅ នៅកីឡដ្ឋានស្តាតចាស់ ។
ក្រោយយកបាន៣ពិន្ទុ ពីម្ចាស់ផ្ទះ កងយោធពលខេមរភូមិន្ទ លោក កាំង សេន ប្រធានក្លិប និងជាកីឡាកររបស់ក្លិបបាល់ទាត់ អាយអេសអាយ ដង្កោសែនជ័យ បានសរសេរសារនៅលើគណនី FB ថា «ក្រុម និង ដំរីជ័យជាទីស្រឡាញ់របស់ខ្ញុំ យើងរកឃើញជ័យជំនះដំបូងរបស់យើងហើយ។ សូមអ្នកចងចាំពាក្យរបស់ខ្ញុំពេលយើងចាប់ផ្តើមឈ្នះ យើងមិនងាយចាញ់វិញទេ!» ។
នេះជាលទ្ធផលការប្រកួតសរុបនៅសប្តាហ៍ទី១០
តារាងចំណាត់ថ្នាក់ គិតត្រឹមសប្តាហ៍ទី១០
សូមជម្រាបថា ពានរង្វាន់លីគកំពូលកម្ពុជា រដូវកាលឆ្នាំ២០២៥-២៦ មានសមាជិកចំនួន១១ក្រុម បានចាប់ផ្តើមប្រកួតនៅថ្ងៃទី៩ ខែសីហា ឆ្នាំ២០២៥ គ្រោងនឹបញ្ចប់នៅថ្ងៃទី១៧ ខែឧសភា ឆ្នាំ២០២៦ ខាងមុខ ដោយតម្រូវក្រុមជាសមាជិកប្រកួតវិលជុំសន្សំពិន្ទុចំនួន២ជើង ហើយក្រុមចំណាត់ថ្នាក់លេខ១ដល់លេខ៦ បន្តប្រកួតយកជើងឯក ខណៈក្រុមលេខ៧ ដល់១១ ត្រូវប្រកួតយកចំណាត់ថ្នាក់៕
