ចិន ដណ្ដើមបានមេដាយច្រើនជាងគេ សរុប១៤៧គ្រឿង មេដាយមាស ៦៣គ្រឿង មេដាយប្រាក់ ៤៩គ្រឿង និងមេដាយសំរឺទ្ធ ៣៥គ្រឿង ពីព្រឹត្តិការណ៍កីឡាយុវជនអាស៊ី 2025 Asian Youth Games លើកទី៣ ខណ:អ៊ូសបេគីស្ថាន ឈរនៅចំណាត់ថ្នាក់លេខ២ កាហ្សាក់ស្ថាន លេខ៣។
តារាងមេដាយ ប្រទេសទទួលបាន ក្រោយបញ្ចប់ព្រឹត្តិការណ៍កីឡាយុវជនអាស៊ី លើកទី៣ នៅបារ៉ែន៖
ដោយឡែកសម្រាប់កម្ពុជា សរុប ៤គ្រឿង មេដាយប្រាក់ ២គ្រឿង មេដាយសំរឺទ្ធ ២គ្រឿង គឺជាលើកដំបូង ដែលកម្ពុជា បានឈ្នះមេដាយពីព្រឹត្តិការណ៍កីឡាយុវជនកម្រិតទ្វីបអាស៊ី ហើយជាកំណត់ត្រាថ្មី ដែលការចូលរួម ២លើកកន្លងមក មិនឈ្នះមេដាយអ្វីទាំងអស់។
គិតត្រឹមបញ្ចប់ព្រឹត្តិការណ៍កីឡាយុវជនអាស៊ី លើកទី៣ នៅបារ៉ែន កម្ពុជា កំស្ថិតនៅចំណាត់ថ្នាក់លេខ៣១ ក្នុងចំណោម ៣៦ប្រទេស ឈ្នះមេដាយ និង ៤៥ប្រទេស ដែលបង្ហាញវត្តមាន ចូលរួមប្រជែង នៃទ្វីបអាស៊ី។ ដែលកំពុងប្រព្រឹត្តទៅចាប់ពីថ្ងៃទី២២ ដល់ថ្ងៃទី៣១ តុលា ឆ្នាំ២០២៥ នៅប្រទេសបារ៉ែន៕
