ក្រុមគោព្រៃកម្ពុជា អាយុក្រោម១៧ឆ្នាំ នឹង​ត្រូវ​មានភារកិច្ច ជួបក្រុមជម្រើសជាតិកោះហ្គាំ អាយុក្រោម ១៧ឆ្នាំ វគ្គជម្រុះពូល B នៃពានរង្វាន់ប្រចាំទ្វីប AFC U17 Asian Cup Saudi Arabia 2026។

៣ប្រកួតកន្លងទៅ ក្រុមគោព្រៃកម្ពុជា អាយុក្រោម១៧ឆ្នាំ មិនអាចរកពិន្ទុនៅឡើយទេ ដោយប្រកួតបើកឆាក​ទី​១​ចាញ់​ក្រុមជម្រើសជាតិប៉ាគីស្ថាន ដោយលទ្ធផល ៣-១ កាលពីថ្ងៃទី២២ ខែវិច្ឆិកា និងប្រកួតទី២បន្តចាញ់ក្រុមជម្រើសជាតិឡាវ ដោយលទ្ធផល ៥-១ និង​ប្រកួត​ទី៣ ចាញ់ យេម៉ែន ៣-០ កាលពីថ្ងៃទី២៦ ខែវិច្ឆិកា ឆ្នាំ២០២៥ កន្លងទៅ។

ចប់​ប្រកួត​ថ្ងៃនេះ ក្រុមគោព្រៃកម្ពុជា អាយុក្រោម១៧ឆ្នាំ នៅ​សល់ ១ប្រកួត​ទៀត ​ថ្ងៃទី៣០ វិច្ឆិកា ត្រូវ​ជួប​ម្ចាស់​ផ្ទះ កៀហ្ស៊ីស៊ីស្ថាន ម៉ោង ៤:០០ល្ងាច។

ចំពោះពានរង្វាន់កម្រិតទ្វីប AFC U-17 Asian Cup qualification វគ្គជម្រុះក្នុងពូលគឺក្រុមកម្ពុជា ស្ថិតនៅពូល B ជាមួយ​ក្រុមជម្រើសជាតិយេម៉ែន, ឡាវ, ម្ចាស់ផ្ទះកៀហ្ស៊ីស៊ីស្ថាន, ក្រុមកោះហ្គាម និង ប៉ាគីស្ថាន ខណៈការ​ប្រកួត​វគ្គជម្រុះនេះនឹងធ្វើឡើងនៅថ្ងៃទី២២ ដល់ថ្ងៃទី៣០ ខែវិច្ឆិកា ឆ្នាំ២០២៥ ។

ក្នុង​ចំណោម​ក្រុម​នៅ​តាម​បូលទាំង៧ ពី A ដល់ G នឹង​ត្រូវ​ប្រកួត​ប្រជែង​គ្នា​ដើម្បី​យក​តែ​ ១ក្រុម​ប៉ុណ្ណោះ ឡើង​ទៅកាន់​ជុំ​ចុង​ក្រោយមាន ១៦ក្រុម រួម​មានម្ចាស់​ផ្ទះ​អារ៉ាប៊ីសាអូឌីត ឥណ្ឌូណេស៊ី ជប៉ុន កូរ៉េខាងជើង កាតា កូរ៉េខាងត្បូង តាជីគីស្ថានអេមីរ៉ាតអារ៉ាប់រួម និងអ៊ូសបេគីស្ថាន កំពុង​ឈរ​ចាំ។ ការ​ប្រកួត​ នឹង​ចាប់​ផ្ដើម​ពី​៧ ដល់​ថ្ងៃទី២៤ ខែឧសភា ឆ្នាំ២០២៦។

សម្រាប់ពានរង្វាន់យុវជនកម្រិតទ្វីប AFC U17 Asian Cup បង្កើតឡើងដំបូងនៅឆ្នាំ១៩៨៥ ពោល​គឺមាន​អាយុ​កាល​ជាង ៣៩ឆ្នាំហើយ ខណៈក្រុមយុវជនជប៉ុន ឈ្នះជើងឯងច្រើនជាងគេសរុប៤លើក កូរ៉េខាងត្បូង, កូរ៉េខាងជើង, ចិន, អារ៉ាប់ប៊ីសាអូឌីត, អូម៉ង់, អ៊ូសបេគីស្ថានបានចំនួន២លើក រីឯក្រុម​ជម្រើស​ជាតិ​កាតា, អ៊ីរ៉ុង, ថៃ និងអ៊ីរ៉ាក់ ឈ្នះ១លើកដូចគ្នា៕

Share.