កំពង់ឆ្នាំង ៖ ជនសង្ស័យ២នាក់ ត្រូវបានកម្លាំងសមត្ថកិច្ចចម្រុះឃាត់ខ្លួន បន្ទាប់ពីនាំគ្នាជិះទូកម៉ាសុីនឆក់ត្រីក្នុងបឹង កាលពីថ្ងៃទី២៨ ខែវិច្ឆិកា ឆ្នាំ២០២៥ នៅចំណុចបឹងខ្ពប ភូមិត្របែក ឃុំត្រងិល ស្រុកកំពង់លែង ខេត្តកំពង់ឆ្នាំង ។
ក្នុងប្រតិបត្តិការខាងលើផ្នែករដ្ឋបាលជលផលផ្សារឆ្នាំង និងសង្កាត់រដ្ឋបាលជលផលកំពង់លែង សហការជាមួយកម្លាំងអធិការដ្ឋាននគរបាលស្រុក ចុះទៅបង្ក្រាប ចាប់ខ្លួនជនសង្ស័យទាំង២នាក់នេសាទត្រីដោយប្រើឧបករណ៍ឆក់ ៖ ទី១ អឿន ទិត្យ ភេទប្រុស អាយុ២១ឆ្នាំ , ទី២ អឿន កំសាន្តភេទប្រុស អាយុ១៩ឆ្នាំ ។ ទាំង២នាក់មានទីលំនៅភូមិ សំរោង ឃុំពោធិ ស្រុក កំពង់លែង ខេត្តកំពង់ឆ្នាំង ។
សមត្ថកិច្ចដកហូតវត្ថុតាង ៖ អាំងវែកទ័រឆក់ត្រី ១គ្រឿង ដងឆក់ត្រី២ ,អាគុយ៤០ អំពែចំនួន០១គ្រឿង , ខ្សែភ្លើងប្រវែង៣ម៉ែត្រ
,ទូកបាឡាស្មាច់ ភ្ជាប់ម៉ាសុីនចំនួន ១គ្រឿង ,ត្រីចំនួន២គីឡូក្រាម ។
ជនសង្ស័យទាំង២នាក់ រួមជាមួយវត្ថុតាង នាំយកទៅសាកសួរនៅខណ្ឌរដ្ឋបាលជលផលខេត្តកំពង់ឆ្នាំង ដើម្បីអនុវត្តន៍បន្តតាមនីតិវិធី ៕