សណ្ឋាគារជាច្រើន នៅសហរដ្ឋអាមេរិក, កាណាដា និងម៉ិកស៊ិក បានដំឡើងថ្លៃបន្ទប់រាប់រយដុល្លារនៅក្នុងមួយយប់ អំឡុងពេលការប្រកួតបើកឆាកពានរង្វាន់បាល់ទាត់ពិភពលោក FIFA World Cup ឆ្នាំ២០២៦ នៅពាក់កណ្តាលឆ្នាំ២០២៦ ខាងមុខ។
តម្លៃដែលគេបានដាក់ការប៉ាន់ស្មានថានឹងអាចមានការឡើងថ្លៃខ្លាំងជាងគេ នោះគឺនៅទីក្រុង Mexico City ប្រទេស ម៉ិកស៊ិក ដោយតម្លៃបន្ទប់តម្លៃធម្មតា ១៥៧ដុល្លារ នឹងឡើងដល់ ៣,៨៨២ដុល្លារ ក្នុងមួយបន្ទប់ នេះបើយោងតាមចេញផ្សាយដោយ The Athletic ។
យ៉ាងណាមិញនេះគ្រាន់តែជាការប៉ាន់ស្មានតែប៉ុណ្ណោះ ពីព្រោះព្រឹត្តិការណ៍បាល់ទាត់ពិភពលោក ដែលសហរដ្ឋអាមេរិក កាណាដា និងម៉ិកស៊ិក ជាសហម្ចាស់ផ្ទះនោះ មិនទាន់ឈានមកដល់នៅឡើយទេ។
ដោយឡែកគិតត្រឹមថ្ងៃទី១៩ ខែវិច្ឆិកា ឆ្នាំ២០២៥ ប្រទេសចំនួន៤២ កក់កៅអីទៅលេងពានរង្វាន់ FIFA World Cup 2026 ដែលមានសហរដ្ឋអាមេរិក កាណាដា និងម៉ិកស៊ិក រួមគ្នាជាសហម្ចាស់ផ្ទះ គ្រោងនឹងចាប់ពីថ្ងៃទី១១ ខែមិថុនា រហូតដល់ថ្ងៃទី១៩ ខែកក្កដា ឆ្នាំ២០២៦។
- ទី១) កាណាដា
- ទី២) ម៉ិកស៊ិក
- ទី៣) សហរដ្ឋអាមេរិក
- ទី៤) ជប៉ុន
- ទី៥) នូវែលសេឡង់
- ទី៦) អាហ្សង់ទីន
- ទី៧) អ៊ូសបេគីស្ថាន
- ទី៨) កូរ៉េខាងត្បូង
- ទី៩) ហ្ស៊កដានី
- ទី១០) អូស្ត្រាលី
- ទី១១) ប្រេស៊ីល
- ទី១២) អេក្វាឌ័រ
- ទី១៣) អ៊ុយរូហ្គាយ
- ទី១៤) កូឡុំប៊ី
- ទី១៥) ប៉ារ៉ាហ្គាយ
- ទី១៦) ម៉ារ៉ុក
- ទី១៧) ទុយនីស៊ី
- ទី១៨) អាល់ហ្សេរី
- ទី១៩) អេហ្ស៊ីប
- ទី២០) អាល់ហ្សេរី
- ទី២១) ហ្គាណា
- ទី២២) កាប់វ៉ែ
- ទី២៣) អាហ្វ្រិកខាងត្បូង
- ទី២៤) កាតា
- ទី២៥) អង់គ្លេស
- ទី២៦) អារ៉ាប៊ីសាអូឌីត
- ទី២៧) កូតឌីវ័រ
- ទី២៨) សេណេហ្គាល់
- ទី២៩) បារាំង
- ទី៣០) ក្រូអាត
- ទី៣១) ព័រទុយហ្គាល់
- ទី៣២)ន័រវេស
- ទី៣៣) អាល្លឺម៉ង់
- ទី៣៤) ហូឡង់
- ទី៣៥) បែលហ្សិក
- ទី៣៦) អូទ្រីស
- ទី៣៧) ស្វីស
- ទី៣៨) អេស្ប៉ាញ
- ទី៣៩) ស្កុតឡេន
- ទី៤០) ហៃទី
- ទី៤១) គូរ៉ាកាវ
- ទី៤២) ប៉ាណាម៉ា។
វគ្គជម្រុះពានរង្វាន់ 2026 FIFA World Cup មានប្រទេសចូលរួមចំនួន២០៧ ដោយបែងចែកជា៦ទ្វីបផ្សេងគ្នា។ សម្រាប់ទ្វីបអាស៊ី មានកូតាចំនួន៨ក្រុម ឡើងទៅប្រកួតជុំចុងក្រោយដែលអាមេរិក ម៉ិចស៊ីកូ និងកាណាដា រួមធ្វើជាសហម្ចាស់ផ្ទះ ខណៈមាន១ក្រុមត្រូវប្រកួតជម្រុះជាមួយក្រុមមកពីទ្វីបផ្សេង យកកៅអីឡើងទៅដែរ។ នៅអាស៊ី មានក្រុមចំនួន៤៦ ត្រូវប្រកួតប្រជែងគ្នា ចាប់ពីថ្ងៃទី១២ ខែតុលា ឆ្នាំ២០២៣ ដល់ថ្ងៃទី១៨ ខែវិច្ឆិកា ឆ្នាំ២០២៥ បែងចែកជា៥វគ្គ។
ការប្រកួតពានរង្វាន់ជើងឯកពិភពលោក FIFA World Cup ធ្វើឡើងរាល់៤ឆ្នាំម្តង តែកន្លងទៅកំណត់យកក្រុមខ្លាំងមកពីតាមបណ្តាទ្វីបចំនួន៣២ក្រុមប៉ុណ្ណោះ ដើម្បីឡើងដល់វគ្គជុំចុងក្រោយ ប៉ុន្តែលើកនេះមានការកំណត់យកក្រុមដល់ទី៤៨ក្រុម ដើម្បីចូលរួមប្រកួត៕
