ស្ថាប័ន Volleyball World កាលពីពេលថ្មីៗ បានបញ្ចេញតារាងចំណាត់ថ្នាក់ កីឡាករបាល់ទះកំពូលទាំង ១០ សម្រាប់ឆ្នាំ ២០២៥ ដោយស្មាត់របស់ជម្រើសជាតិ អ៉ីតាលី Alessandro Michieletto ទទួលបានចំណាត់ថ្នាក់លេខ១។
ចំណាត់ថ្នាក់របស់កីឡាករបាល់ទះលំដាប់កំពូលទាំង ១០ ក្នុងឆ្នាំ ២០២៥ មានដូចខាងក្រោម៖
- កីឡាករ Alessandro Michieletto ស្មាត់ជម្រើសជាតិ របស់អ៉ីតាលី
- កីឡាករ Alex Nikolov ស្មាត់ជម្រើសជាតិ របស់ប៊ុលហ្គារី
- កីឡាករ Simone Gianelli អ្នកលើកបាល់ជម្រើសជាតិ របស់អ៉ីតាលី
- កីឡាករ Jakub Kochanowski អ្នកបាំងបាល់កណ្តាលសញ្ជាតិ របស់ប៉ូឡូញ
- កីឡាករ Wilfredo Leon ស្មាត់ជម្រើសជាតិ របស់ប៉ូឡូញ
- កីឡាករ Simeon Nikolov អ្នកលើកបាល់ របស់ប៊ុលហ្គារី
- កីឡាករ Fabio Balaso លីប៉ើរ៉ូរបស់ក្រុមជម្រើសជាតិ របស់អ៉ីតាលី
- កីឡាករ Aleks Grozdanov អ្នកបាំងបាល់កណ្តាលជម្រើសជាតិ របស់ប៊ុលហ្គារី
- កីឡាករ Jan Kozamernik អ្នកបាំងបាល់កណ្តាលជម្រើសជាតិ របស់ស្លូវេនី
- កីឡាករ Patrick Indra ស្មាត់ជម្រើសជាតិ របស់សាធារណ:រដ្ឋឆេក។
គួរបញ្ជាក់ថា សម្រាប់ការដាក់ពិន្ទុរបស់ Volleyball World គឺផ្អែកលើសមិទ្ធផល ក៏ដូចជាសមត្ថភាពរបស់កីឡាករ ដែលបានបង្ហាញ ក្នុងការប្រកួតនានានៅឆ្នាំ ២០២៥ ជាមួយក្រុមជម្រើសជាតិ ក៏ដូចជាក្នុងពានរង្វាន់ Volleyball Nations League និង ពានរង្វាន់ FIVB Volleyball Men’s World Championship ជាដើម៕
