គួន ម៉ុម សមាជិករបស់ក្លិបបាល់ទះវិសាខា និងក្រុមជម្រើសជាតិកម្ពុជា គឺជាកីឡាករបរទេសដំបូងគេ បានឈានដល់កិច្ចព្រមព្រៀងជាមួយក្រុម Hanoi Volleyball Club ដើម្បីមកប្រទេសវៀតណាម ហើយនេះក៏ជាលើកទី២ ផងដែររបស់គេ ត្រៀមប្រកួតប្រជែងក្នុងជុំទី១ នៃការប្រកួតជើងឯកបាល់ទះជាតិរបស់ប្រទេសវៀតណាម National Volleyball Championship ឆ្នាំ២០២៦។
យោងតាមការស៊ើបអង្កេតរបស់ SGGP ក្រុមបាល់ទះ Hanoi បានឈានដល់កិច្ចព្រមព្រៀងមួយជាមួយកីឡាករ គួន មុំ (កម្ពុជា) មកកាន់ប្រទេសវៀតណាម ដើម្បីចូលរួមការប្រកួតជើងឯកជាតិឆ្នាំ២០២៦ ជុំទីមួយ។ ការប្រកួតជុំទីមួយឆ្នាំនេះនឹងចាប់ផ្តើមនៅថ្ងៃទី៦ ខែមេសា នៅទីក្រុង Dong Anh (ហាណូយ)។
នេះជាលើកទី២ហើយ ដែល គួន មុំ ចូលរួមក្រុមបុរស Hanoi ។ កាលពីឆ្នាំមុន គួន មុំ លេងឱ្យក្រុម Hanoi ក្នុងជុំទី២ នៃជើងឯកជាតិឆ្នាំ២០២៥ និងជាតួអង្គសំខាន់ម្នាក់ដែលបានជួយក្រុមឱ្យទទួលបានលទ្ធផលល្អ និងទទួលបានជោគជ័យក្នុងការគេចចេញពីការកាត់ចោល។
គួរបញ្ជាក់ថា កាលពីឆ្នាំ២០២៥កន្លងទៅ កីឡាករ គួន ម៉ុម សមាជិករបស់ក្លិបបាល់ទះវិសាខា និងក្រុមជម្រើសជាតិកម្ពុជា បានជួយក្រុមបាល់ទះ Hanoi Volleyball Club គេផុតពីតំបន់គ្រោះថ្នាក់ (កាត់ចោល) បន្ទាប់ពីឆ្លងកាត់៥ប្រកួត ឈ្នះ៤ ចាញ់១ នៃពានរង្វាន់បាល់ទះ Vietnam National Volleyball Championship 2025 នៅវៀតណាម៕
