ខ្សែប្រយុទ្ធ Kwame Peprah ជនជាតិហ្គាណា របស់ព្រះខ័នរាជស្វាយរៀង ជាកីឡាករពីលីគកំពូងកម្ពុជា តែម្នាក់គត់ ដែលអាចស៊ុតបញ្ចូលទីបានក្នុងពានរង្វាន់ ៥ផ្សេងគ្នា និងកំពុងឈរនៅកំពូលតារាង Top Scorers ក្នុងលីគ និងពានរង្វាន់ AFC Challenge League ដែលជាបេក្ខភាពស្បែកជើងមាស នៅរដូវកាលឆ្នាំ២០២៥-២៦នេះ។
គ្រាប់បាល់ដែល Kwame Peprah អាចស៊ុតបញ្ចូលទីបានក្នុងពានរង្វាន់ ៥ផ្សេងគ្នា រួមមាន៖
- ក្នុងពានរង្វាន់ Cambodian Super Cup ឆ្នាំ២០២៥ ជួយឱ្យព្រះខ័នរាជស្វាយរៀង ឈ្នះជើងឯក ស៊ុតបាន ២គ្រាប់
- ក្នុងពានរង្វាន់ Cambodian Premier League ឆ្នាំ២០២៥-២៦ កំពុងប្រកួត Top6 ស៊ុតបាន ២០គ្រាប់ បេក្ខភាពស្បែកជើងមាសបណ្ដោះអាសន្ន
- ក្នុងពានរង្វាន់ Hun Sen Cup ជើងឯកថ្នាក់ជាតិ លើកទី១៩ ឆ្នាំ២០២៥-២៦ វគ្គ ៤ក្រុមចុងក្រោយ ស៊ុតបាន ១គ្រាប់
- ក្នុងពានរង្វាន់ ASEAN Club Championship (Shopee Cup) ឆ្នាំ២០២៥-២៦ វគ្គជម្រុះក្នុងពូល នៅសល់ ១ប្រកួតទៀត ជាមួយ Bangkok United ស៊ុតបាន ១គ្រាប់
- ក្នុងពានរង្វាន់ AFC Challenge League វគ្គពាក់កណ្ដាលផ្ដាច់ព្រ័ត្រ ស៊ុតបាន ៦គ្រាប់ កំពុងប្រជែងបេក្ខភាពស្បែកជើងមាសបណ្ដោះអាសន្ន៕
