ព្រឹត្តិការណ៍ប្រកួតបាល់ទាត់ Soccer League លើកទី៩ ឆ្នាំ២០២៦ មាន ៦៤ក្រុមចូលរួមប្រកួត ក្នុងនោះមានក្រុមនារី ចំនួន ៨ក្រុម និងបុរស ៥៦ក្រុម ដែលនឹងប្រារព្ធពិធីបើកការប្រកួតជាផ្លូវការនៅថ្ងៃទី៦ ខែមិថុនា ឆ្នាំ២០២៦ ខាងមុខនេះ នៅកីឡដ្ឋានវិសាខា។
ថ្លែក្នុងក្នុងពិធីសន្និសិតចាប់ពូល នារសៀលថ្ងៃទី២៩ ឧសភានេះ ឯកឧត្តម ខៀវ ភារិទ្ធ ប្រធានគណៈកម្មការប្រតិបត្តិរៀបចំការប្រកួត តំណាងដ៏ខ្ពង់ខ្ពស់ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណកម្មការរៀបចំការប្រកួត បាល់ទាត់ពានរង្វាន់ បាល់ទាត់ពានរង្វាន់ Soccer League លើកទី៩ ឆ្នាំ២០២៦ បានមានប្រសាសន៍ថា៖ អ្វីដែលគណៈកម្មការរំពឹងទុកនៅក្នុងស្ថានភាពដ៏លំបាក់នេះ គិតថាឆ្នាំនេះធ្វើយ៉ាងណាឱ្យតែបានក្រុមត្រឹម ៣២គឺយើងទទួលបានជោគជ័យ តែអ្វីជាការព្យាករណ៍ទុកគឺមានការផ្ទុយស្រឡ: និងត្រឡប់មកវិញឃើញថាឆន្ទ:របស់ក្រុមបាល់ទាត់និមួយៗនៅតែបន្តយ៉ាងមោះមុត រហូតទទួលពាក្យចូលរួមបាន ៦៤ក្រុម។
ឯកឧត្តម ខៀវ ភារិទ្ធ បានលើកឡើងបន្តថា៖ Soccer League មិនត្រឹមជាវេទិកាផ្ដល់ឱកាសដល់កីឡាករគ្រប់រូប មកពីគ្រប់ស្ថាប័នរដ្ឋ និងឯកជនជុំវិញរាជធានី-ខេត្ត ដើម្បីមាន ឱកាសបញ្ចេញសមត្ថភាពនៅលើទីលានប្រកបដោយតម្លាភាពនោះទេ ប៉ុន្តែ Soccer League ក៏ជាព្រឹត្តិការណ៍មួយដែលបានចូលរួមចំណែកជាមួយរាជរដ្ឋាភិបាលកម្ពុជាក្នុងការបំផុសចលនាសាមគ្គីភាព រឹតចំណងមិត្តភាពរបស់យុវជននៅទូទាំងប្រទេស ជាពិសេសដើម្បីបង្កើតធនធានមនុស្សក្នុងវិស័យកីឡាបាល់ទាត់នៅ កម្ពុជា ឱ្យកាន់តែមានភាពរីកចម្រើន និងរឹងមាំ ដើម្បីជាថ្នាលឆ្ពោះទៅកាន់ថ្នាក់ជាតិ និងអន្តរជាតិ ក្រោមពាក្យ ស្លោកមួយគឺ «ស្មារតីសាមគ្គីភាព» ។
ឯកឧត្តម ខៀវ ភារិទ្ធ បានបន្ថែមថា Soccer League ត្រូវបានរៀបចំឡើង ៨លើករួចមកហើយគិតចាប់បីឆ្នាំ២០១២មកម្លេះ ដែលឆ្នាំ២០២៦នេះគឺជាឆ្នាំទី៩ កាលពីឆ្នាំ២០២៥កន្លទៅ យើងមានក្រុមកីឡាបានដាក់ពាក្យចូលរួមប្រកួតដល់ទៅ៦០ក្រុម ក្នុងនេះក៏មានក្រុមនារី ៧ក្រុមផងដែរ។
ទន្ទឹមនឹងនេះដែរ ឯកឧត្តម ខៀវ ភារិទ្ធ បានបញ្ជាក់ថាក្នុងឱកាសព្រឹត្តិការណ៍បើក Soccer League ក៏នឹងមានការប្រកួតបាល់ទាត់សប្បរសធម៌ រវាង ក្រុមស.ស.យ.ក អលស្តា ជាមួយផ្ការីកគ្រប់រដូវ ក្រោមមូលបទ «ស្មារតីកីឡាដើម្បីយុវជន សង្គមយើង» តាមរយ:ការប្រកួតបាល់ទាត់មិត្តភាបនេះគណកម្មការទទួលបានថវិការសប្បរសធម៌តាមរយ:ការលក់សំបុត្រ និងបរិចារបានសរុប ១៩៥លានរៀល ត្រូវបានបែងចែជួយដល់វីរ:កងទ័ពជួរមុខ រីឯមួយផ្នែកតូចជួយដល់កុមាកំពុងខ្វះខាត់នៅខេត្តព្រៃវែង។
គួរបញ្ជាក់ថា ពិធីជាផ្លូវកាលព្រឹត្តិការណ៍ប្រកួតបាល់ទាត់ Soccer League លើកទី៩ ឆ្នាំ២០២៦ មាន ៦៤ក្រុមចូលរួមប្រកួត ក្នុងនោះមានក្រុមនារី ចំនួន ៨ក្រុម ចែកចេញជា ២ពូល និងបុរស ៥៦ក្រុម ចែកចេញជា ១៦ពូល ដូចខាងក្រោម៖
ព្រឹត្តិការណ៍ប្រកួតបាល់ទាត់ពានរង្វាន់ Soccer League បានពង្រឺងការចូលរួមសម្រាប់វិញ្ញាសាបាល់ទាត់នារីដោយក្រុមនារីអាជីពដែលមានវត្តមាននៅក្នុងលីគ មិនឱ្យចូលរួម ក្នុងគោលបំណងលើកជំរុញចិត្ត និងលើកកម្ពស់សមត្ថភាពកីឡាការិនីមហាជន ក្នុងការចូលរួមសកម្មភាពកីឡា ហើយឃើញថាក្រុមនារីមហាជនមានការកើនឡើង។
ប្រវត្តិនៃការប្រកួតកីឡាបាល់ទាត់ពាន់រង្វាន់ Soccer League កន្លងមក៖
- លើកទី១ ឆ្នាំ២០១២ មាន២០ក្រុមចូលរួម ជ័យលាផីជើងឯក បានលើកក្រុម សមាគមយុវជន ក១២
- លើកទី២ ឆ្នាំ២០១៣ មាន៤០ក្រុមចូលរួម ជ័យលាភីជើងឯក បានទៅលើកក្រុម ស.ស.យ.ក ព្រៃវែង
- លើកទី៣ ឆ្នាំ២០១៥ មាន៤៧ក្រុមចូលរួម ជ័យលាភីជើងឯក បានទៅលើកក្រុម ណាចក្របៃតង
- លើកទី៤ ឆ្នាំ២០១៦ មាន៦០ក្រុមចូលរួម ជ័យលាភីជើងឯក បានទៅលើកក្រុម ពោធិ៍សែនជ័យ
- លើកទី៥ ឆ្នាំ២០១៩ មាន៧២ក្រុមចូលរួម ជ័យលាភីជើងឯក បានទៅលើកក្រុម យុវជនសូភីណា
- លើកទី៦៖ឆ្នាំ២០២៣ មាន ៧៤ក្រុមចូលរួម (ស្រី ១០ក្រុម) ក្រុមបាល់ទាត់ស.ស.យ.ក. ខេត្តកណ្ដាល (បុរស) ក្រុមសុភីណាអេហ្វស៊ី (នារី)
- លើកទី៧៖ ឆ្នាំ ២០២៤ មាន ៦១ក្រុមចូលរួម (ស្រី ១៣ក្រុម) ជ័យលាភីជើងឯក បានទៅលើកក្រុម Khmer United FC (បុរស) ក្លិបបាល់ទាត់ភ្នំពេញក្រោន (នារី)
- លើកទី៨៖ ឆ្នាំ២០២៥ មាន ៦៣ក្រុមចូលរួម (ស្រី ៧ក្រុម) ជ័យសាភីជើងឯក ក្រុមបាល់ទាត់ ណាចក្របៃតង (បុរស) ក្រុមនារីសុភីណា អេហ្វស៊ី (នារី)៕
