ក្រុមកីឡាករអេឡិចត្រូនិកជម្រើសជាតិកម្ពុជា Angkor Warrior លើវិញ្ញាសា Mobile Legends Bang Bang បានចេញដំណើរទៅប្រទេសសិង្ហបុរី ដើម្បីប្រកួតជម្រុះកីឡាទ្វីបអាស៊ី Asian Games លើកទី២០ ចាប់ថ្ងៃទី១៨ ដល់ទី២១ ខែមិថុនា ឆ្នាំ ២០២៦។
កម្ពុជា ស្ថិតនៅពូល A ប្រចាំតំបន់អាស៊ាន ដោយមាន ៨ ប្រទេស គឺ ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី និង វៀតណាម។ ពូលនេះជ្រើសរើសយក ៥ ក្រុមឡើងទៅជុំចុងក្រោយ។
ពូល B ប្រចាំតំបន់អាស៊ីខាងលិច មានប្រទេស ៥ ប្រទេសគឺ អ៉ីរ៉ង់ អារ៉ាប៊ីសាអ៊ូឌីត ហ្សក់ដានី អារ៉ាប់រួម និង អូម៉ង់។ ពូលនេះជ្រើសរើសយក ៣ ក្រុមឡើងទៅជុំចុងក្រោយ។
ពូល C ប្រចាំតំបន់អាស៊ីកណ្តាល មាន ៤ ប្រទេស គឺ កាហ្សាស្ថាន អ៊ូបេគីស្ថាន គៀរហ្ស៊ីស្ថាន និង តាហ្ស៊ីគីស្ថាន។ ពូលនេះជ្រើសរើសយក ២ ក្រុមឡើងទៅជុំចុងក្រោយ។
ពូល D ប្រចាំតំបន់អាស៊ីខាងកើត និងខាងត្បូង មាន ៥ ប្រទេស គឺ នេប៉ាល់ ស្រីលង្កា ហុងកុង ម៉ុងហ្គោលី និង ប៉ាគីស្ថាន។ ពូលនេះជ្រើសរើសយក ២ ក្រុមទៅជុំចុងក្រោយ។
ព្រឹត្តិការណ៍ប្រកួតជម្រុះកីឡាទ្វីបអាស៊ី Asian Games លើកទី២០ ឆ្នាំ២០២៦ នឹងប្រព្រឹត្តិទៅនៅក្នុងទីក្រុង Aichi–Nagoya ប្រទេសជប៉ុន ស្របពេលពិធីបើកជាផ្លូវការនៅថ្ងៃទី១៩ ខែកញ្ញា នឹងបិទបញ្ចប់វិញនៅថ្ងៃទី៤ ខែតុលា ឆ្នាំ២០២៦។
បញ្ជីឈ្មោះ កីឡាកររបស់ Angkor Warrior ដែលបានជ្រើសរើសសម្រាប់ការប្រកួត Esports Nations Cup ទៅលើវិញ្ញាសា Mobile Legends: Bang Bang៖
យោងតាមកិច្ចប្រជុំ លើកទី ១០១ របស់ក្រុមប្រឹក្សាកីឡាអូឡាំពិកអាស៊ី បានបញ្ជាក់ថា ដំណើរការប្រកួតកីឡាអេឡិចត្រូនិកគ្រប់គ្រងដោយ ក្រុមប្រឹក្សាកីឡាអូឡាំពិកអាស៊ី (OCA) ទាំងស្រុង សូម្បីតែ សហព័ន្ធកីឡាអេឡិចត្រូនិកអាស៊ី (AESF) ក៏មិនពាក់ព័ន្ធដែរ៕
