គេហទំព័រ Nikkei Asia បានរាយការណ៍ថា បន្ទាប់ពីសភាជប៉ុនបានអនុម័តការកែសម្រួលច្បាប់ព្រះរាជវង្ស ដែលអនុញ្ញាតឱ្យទទួលស្គាល់បុត្រាពីខ្សែរាជវង្សដើមមកធ្វើជាកូនធម៌ក្នុងព្រះរាជវង្សបច្ចុប្បន្ន ហើយបុត្រារបស់ពួកគេមានសិទ្ធិស្នងរាជសម្បត្តិបាននោះ លទ្ធផលនៃការស្ទង់មតិមតិមហាជនចុងក្រោយដែលធ្វើឡើងដោយ Nikkei និង TV Tokyo បានរកឃើញថា ៤២% យល់ថាសមរម្យ ខណៈ ៤៥% មើលឃើញថាពុំទាន់សមរម្យនៅឡើយ។
ចំពោះសំណួរពាក់ព័ន្ធនឹងការមានអធិរាជស្រី ឬអធិរាជដែលបន្តពូជពង្សខាងមាតា អ្នកឆ្លើយតបការស្ទង់មតិ ៥៩% បានសម្តែងការយល់ស្របទាំងពីរករណី។ ចំណែក ២៥% ទៀត គាំទ្រឱ្យមានអធិរាជស្រី ប៉ុន្តែមិនទាន់យល់ស្របចំពោះអធិរាជដែលបន្តពូជពង្សខាងមាតានោះទេ ដែលធ្វើឱ្យពិន្ទុគាំទ្រសរុបចំពោះការមានអធិរាជស្រីមានកើនឡើងរហូតដល់ ៨៤%។ លើសពីនេះ ជាងពាក់កណ្តាលនៃអ្នកផ្តល់ព័ត៌មានដែលមកពីគ្រប់ក្រុមអាយុបានយល់ស្របលើករណីទាំងពីរ ខណៈមានត្រឹមតែ ៨% ប៉ុណ្ណោះដែលមិនយល់ស្របនឹងការមានអធិរាជស្រី ឬអធិរាជបន្តពូជពង្សខាងមាតា។
ការត្រួតពិនិត្យឡើងវិញនូវច្បាប់ព្រះរាជវង្សនេះ មានគោលបំណងដោះស្រាយបញ្ហាការថយចុះនៃសមាជិកព្រះរាជវង្ស ដោយអនុញ្ញាតឱ្យទ្រង់ជារាជវង្សស្ត្រីរក្សានិវត្តនភាព (ស្ថានៈដើម) ដដែលក្រោយរៀបអាពាហ៍ពិពាហ៍ និងអនុញ្ញាតឱ្យទទួលស្គាល់រជ្ជទាយាទប្រុសពីខ្សែស្រឡាយដើមដែលត្រូវបានលុបចោលរាជស័ក្តិក្រោយសង្គ្រាមលោកលើកទី២ មកធ្វើជាកូនធម៌បាន។
បន្ថែមពីនេះ សភាជប៉ុនក៏បានអនុម័តសេចក្តីសម្រេចចិត្តឱ្យមានការពិភាក្សាបន្ថែមអំពីវិធីសាស្ត្រដើម្បីធានាឱ្យការស្នងរាជសម្បត្តិមានស្ថិរភាព។ ទោះជាយ៉ាងណាក៏ដោយ សមាជិករដ្ឋសភានៅមិនទាន់បានសម្រេចចិត្តថា តើប្រទេសជប៉ុនគួរអនុញ្ញាតឱ្យស្ត្រីឡើងគ្រងរាជ្យដែរឬទេ ឬគួរអនុញ្ញាតឱ្យអធិរាជមានស្ថានៈរាជវង្សបន្តពីខ្សែស្រឡាយខាងមាតា។
សម្រាប់ការពិនិត្យឡើងវិញនូវច្បាប់ព្រះរាជវង្សនេះ អ្នកផ្តល់ព័ត៌មាន ៤៩% បានថ្លែងថា «យល់ស្រប» និង ៤១% «មិនយល់ស្រប»។
ការស្ទង់មតិទូទាំងប្រទេសមួយនេះ ត្រូវបានប្រមូលទិន្នន័យចាប់ពីថ្ងៃសុក្រ (ទី២៤ ខែកក្កដា) ដល់ថ្ងៃអាទិត្យ (ទី២៦ ខែកក្កដា) ដោយវិទ្យាស្ថានស្រាវជ្រាវ Nikkei តាមរយៈការប្រមូលទិន្នន័យដោយប្រព័ន្ធទូរស័ព្ទចៃដន្យ ដែលមានប្រជាពលរដ្ឋវ័យទង់ដែងចូលរួមឆ្លើយតបចំនួន ៩២៤ នាក់ ត្រូវជាអត្រាឆ្លើយតប ៤០.១%៕
