ក្រុមជម្រើសជាតិវៀតណាម ត្រូវបើកទ្វារកីឡដ្ឋាន Mỹ Đình National Stadium របស់ខ្លួនដែលស្ថិតក្នុងរាជធានីហាណូយ ទទួលក្រុមភ្ញៀវ គឺក្រុមបាល់ទាត់ជម្រើសជាតិកម្ពុជា នៅយប់ថ្ងៃទី៧ ខែសីហា ឆ្នាំ២០២៦នេះ វេលាម៉ោង ៨:០០នាទីយប់ នៃវគ្គជម្រុះពូល A ពានរង្វាន់ប្រចាំតំបន់អាស៊ាន ASEAN Championship 2026 ។
អត្ថបទពាក់ព័ន្ធ៖ASEAN Championship៖ តើវៀតណម ឬកម្ពុជា នឹងរកបាន៣ពិន្ទុជំនួបពូល A យប់នេះនៅហាណូយ? – សារព័ត៌មានត្រយង – Troryorng Media
កន្លងទៅម្ចាស់ការពារជើងឯក ក្រុមជម្រើសជាតិវៀតណាម បានធ្វើព្យុះភ្លៀងជាច្រើន ដោយបានយកឈ្នះលើក្រុមខ្លាំងដូចជាឥណ្ឌូណេស៊ី ជាដើមក្នុងបេសកម្មពានរង្វាន់បាល់ទាត់ជើងឯកអាស៊ាន ASEAN Championship 2026 ខណៈសមាជិកក្នុងក្រុមរបស់វៀតណាម ផ្ទាល់គឺសុទ្ធសឹងតែជាកីឡាករដែលមានគុណភាព ជាពិសេសកីឡាករចូលសញ្ជាតិម្នាក់ឈ្មោះថា Nguyen Xuan Son ។
Nguyen Xuan Son កីឡាករសញ្ជាតិដើមប្រស៊ីល ទើបជាពីរបួសចាស់ ក៏ប៉ន្តែកីឡាករវ័យ២៩ឆ្នាំរូបនោះក៏ជាកីឡាករគ្រោះថ្នាក់មួយរូប ក្នុងចំណោមកីឡាករ៥រូបផ្សេងទៀត នៃក្រុមជម្រើសជាតិរៀតណាម ដោយកន្លងទៅរូបគេជួយក្រុមឈ្នះ និងរកបាន២គ្រាប់ ក្នុងនោះមាន១គ្រាប់ទល់នឹងទីម័រខាងកើត និង១គ្រាប់ទៀតទាត់ទីឥណ្ឌូណេស៊ី កាលពីកន្លងទៅ។
តារាងចំណាត់ថ្នាក់បណ្តោះអាសន្នពានរង្វាន់ ASEAN Hyundai Cup 2026 ពូល A និង ពូល B ហើយទោះបីសល់១ប្រកួតចុងក្រោយប៉ុន្តែកម្ពុជា ទីម័រខាងកើត ហ្វីលីពីន និងឡាវ អស់ឱកាសទៅវគ្គបន្តហើយ៖
ព្រឹត្តិកាណ៍ប្រកួតបាល់ទាត់បុរសជើងឯកអាស៊ាន ដែលប្ដូរឈ្មោះថ្មីតាមម្ចាស់ឧបត្ថម្ភ ASEAN Hyundai Cup ឆ្នាំ២០២៦ ចាប់ផ្ដើមពីថ្ងៃទី២៤ ខែកក្កដា រហូតដល់ថ្ងៃទី២៦ ខែសីហា ឆ្នាំ២០២៦ ពោលគឺចំពេលដែលលីគនៃប្រទេសក្នុងតំបន់អាស៊ានទាំង១១ សម្រាក។
គួររំលឹកថា ពាននេះជាទូទៅច្រើនធ្វើឡើងនៅចុងឆ្នាំ អំឡុងខែវិច្ឆិកា ដល់ខែធ្នូ ខណៈពីពេលនេះទៅ លេងពាក់កណ្ដាលឆ្នាំដ់ម្បីឱ្យស្របទៅនឹងប្រតិទិន FIFA Day ផងដែរ។
- វគ្គជម្រុះ៖ ថ្ងៃទី២៤ ខែកក្កដា ដល់ថ្ងៃទី៨ ខែសីហា ឆ្នាំ២០២៦
- Knockout Stage (វគ្គពាក់កណ្តាលផ្តាច់ព្រ័ត្រ និងក្រៅដី និងផ្តាច់ព្រ័ត្រ)៖ ថ្ងៃទី១៥ ដល់ ២៦ ខែសីហា ឆ្នាំ២០២៦
គួរបញ្ជាក់ថា ការប្រកួតកីឡាបាល់ទាត់ពានរង្វាន់ជើងឯកប្រចាំតំបន់ ASEAN Championship បង្កើតឡើងដំបូងនៅឆ្នាំ១៩៩៦ ធ្វើឡើងរៀងរាល់២ឆ្នាំម្ដង ថៃ គ្រងជើងឯកបានច្រើនជាងគេ ចំនួន ៧លើក (១៩៩៦, ២០០០, ២០០២, ២០១៤, ២០១៦, ២០២០, ២០២២) សិង្ហបុរី ចំនួន ៤លើក (១៩៩៨, ២០០៤, ២០០៧, ២០១២) និងវៀតណាម ចំនួន ៣លើក ២០០៨, ២០១៨, ២០២៤៕
